مراجعة الفيلم السعودي شمس المعارف
طبعاً هاي أول مرة اراجع فيلم سعودي او عربي بشكل عام .. الفيلم من بطولة براء عالم المشهور بعالم اليوتيوببـ"فيلمر" ومن انتاج الأخوين قدس
قصة الفيلم: تدور أحداث فيلم " شمس المعارف " في عام 2010 م، حول حسام وهو طالب يشرف على التخرج من الثانويه، لكنه يقع في اغراء موجة صناعة المحتوى، في ذروة نشاط رواد اليوتيوب في السعودية، ما يدفعه إلى خوض مغامره تتسبب في إهمال دراسته واستكشاف حلمه، حيث يجد الطالب الثانوي حسام نفسه مهتمة بعالم إنتاج الفيديووالمحتوى، وينضم إليه صديقه المقرب معن، وعدوهما السابق إبراهيم، والمدرس الشغوف بصناعة الأفلام عرابي، وخلال اخر سنة لهم في المدرسة الثانوية، يقرر الفريق إنتاج فيلم رعب بدون ميزانية.
لا يوجد أي حرق بالمراجعة
الاخراج والتصوير: التصوير جان ممتاز واختيار اماكن التصوير جيدة جداً .. مع انو هذا اول عمل اشوفة من أخراج فارس بس كان رائع جداً ... للعلم فارس كان المُنتج وكاتب سيناريو ومدير التصوير بالفيلم وإيضاً كان له دور بالفيلم مارح اكول دوره شنو واخلي مفأجاة للي ما شاهد الفيلم بعد
الحوارات: برأيي الشخصي الحوارات هية اجمل شيء بالفيلم واعشقها جداً .. مشهد حسام وهوة يحاول يشرح لعائلته واخوه انو الاخراج وصناعة الافلام ممكن يكون مصدر عمله الرئيسي وكلامه هوة يحاول يفهمهم انو الشخص الي يحب الشغلة الي يسويها ... كان بالنسبة الي أفضل مشهد بالفيلم .. مشهد أكثر من رائع فعلاً .. + مشهد حسام وية المعلم وهوة يشرحلة إذا الي دا يسوي صح ويخاطر بدراستة ومستقبلة
القصة: قصة كلش كلو وما اعتقد مطروقة قبل بالعالم العربي .. الهدف من القصة جان انو اذا اكو شي انت تحبة ومهتم فـ سوي حتى إذا ما كان عندك امكانيات او امكانيات ومعدات قليلة المهم الشيء الي تحبة انت تسوي
الموسيقى والايديت: الموسيقى بسيطة ولطفية جداً بالفيلم ومناسبة لـ اجواء الفيلم كانت اما بالنسبة إلى الايديت التقطيع جان حلو وهادئ يعني من تشاهد عينك ترتاح وتكدر تركز ...
وبالنهاية احب اكول للي يحب يشاهد انتاج عربي جديد لطيف وحلو او الي يحب يشوف فيلم على شخص طموح يحاول يتبع شغفه ويشتغل الشيء الي يحبة فـ أنصحكم كلش بالفيلم.
تقيمي الشخصي: 8/10
سنة الأنتاج: 2020
نوع الفيلم: كوميديا,دراما
IMBb: 8.5/10
رد مع اقتباس
المشاركة الأصلية كتبت بواسطة Laraa
