اشتاكيتك لئن موخوفي اشتاك
تعال ويه النفس دتميل جمره
وتسئلني اعلى عمري المن انطي
وانه تابوتي حته انطاك عمره
كلتلك وارتجيت بواهسي اسنين
خدودك على اضلوعي الهسه حمره
ونلوم الدنيا بيها الطعم معدوم
حلوه الدنيا بس الحلوك مره
شبهتك شمس من جنه بليل
على في الكلب والكاع كمره
وانه مرات كتلك رايح انساك
وعلى كل مره راجع الف مره
انه جيتك كلب ماجايسه الشوك
واثبتلك واشوفك دمه عذره
وانه جيتك عكس جيت اليحبون
جبتلك خاطري رايد اكسره
اخجل لو لكيتك واكف وياي
واضمك جن كصيبه ابراس حره
ادف ذكرياتك مثل مااشوف
ديان ويدك اباب فقره
مارتك ابالي اتصير تذكار
ولا دوله عطش وتذلها كطره
انه رتك اتحطني كبر تمثال
كتاب واحتيي لو جيت تقره
ولا تسئلني عن التضحيه اشلون
الفارس مايحس ذله المهره
وانه صرت المثل يتلكه طعنات
بصدره ومايفر للخوف ضهره
وشجاني وكلبت دفتر خطياك
كلت مااقره بس اخذلي نضره
انه عفت الجرح بي تالي تذكار
لكيت بكل شطر موجوده فكره
انه الاسوء مخلي بعشرتي وياك
وطريق الينحفر يتسمى مجره
وماخطرت ابالي الحضه التفوت
كبل من عيشها انحس بيها خطره
رد مع اقتباس
