*رعشه الايدي
من أشهــر شكـاوي مرضى المخ والأعصاب❗
مُلخّص عن أهم الأسباب؛
➠القهــوه
و مشروبـات الطاقة و كافه المشروبات المحتويه علي الكافيين
و كذلك التدخين بيعملوا رعشه خاصه مع الإفراط فيها.
➠ رعشه بسبب الادويه drug induced tremors
في أدويه بتعمل رعشه زي موسعات الشعب و مضادات الاكتئاب و الفالبروات (الديباكين).
➠ رعشه فسيولوجيه
Physiological tremors
يعني طبيعيه زي رعشه الخوف و التوتر و القلق.
➠ رعشه الرجلين مع الوقوف
Orthostatic tremors
و تحصل في الرجلين مش الايدين و تبان مع الوقوف و يحس بيها المريض و قد لا يلاحظها أحد سواه
➠ الرعشه الاساسيه essential tremors
رعشه كبار السن و تبان لما يمسك كوبايه شاي او يمسك قلم او ملعقه شوربه و ممكن بتبقي موجوده في القرايب لان فيها جانب وراثي
➠ رعشه التهاب الاعصاب
Neuropathic tremors
مرضي التهاب الاعصاب الطرفيه زي مرضي السكر مثلا ممكن يبقي عندهم رعشه في الأطراف.
➠ مــرض باركنســون
Parkinson's disease
اللي اسمه الشلل الرعـاش و هو مفيهوش شلل و لا حاجه بس بيبقي فيه صعوبة فى المشي و رعشه باليدين و بطء في الحركه و الصوت يوطي و الخط يصغر نتيجه نقص ماده الدوبامين في المخ زي اللي حصل للملاكم الشهير محمد علي كلاي.
➠ رعشه بسبب أمــراض أخرئ
زي مثلا ارتفاع نسبه هرمونات الغده الدرقيهthyrotoxicosis
و يبيقي معاها نبضات القلب سريعه و فقدان الوزن و عرق و احيانا جحوظ العين.
➠ رعشه الرنــح
ataxic tremors
ده مرض نتيجه خلل بالمخيخ المسئول عن الاتزان فبيبقي معاه هزه بالجسم و عدم اتزان و رعشه باليدين
➠ رعشه نتيجه أمـراض اضطرابات الحركه نتيجه خلل بمراكز الحركه في المخ
زي اللي بتحصل مع Wilson disease اللي هو مرض النحاس و مع ديستونيا dystonia
رد مع اقتباس
المشاركة الأصلية كتبت بواسطة MiSsO
