المسيره الكبرى الى كعبة الخلود
::::::::::::::::::::::::::::::::::::::::::::::::
ادري تتلكه اليزورك واني زاير,,
بهمه متعني اشتكيلك,,,تحزمت مولاي اجيلك
يخو زينب
:::::::::::::::::::::::::::::::::::::::::::::::::: :::::::::::
الك يابــــو اسكينه كاصد وانته ادره بحالتي
ضاكت الدنيه عليـــــه وجيتك اشكي قصتي
الحظرتك من اوصل ادري منك اخذ طلبتي
خولك رب الجلاله انتـــــــه تقضي حاجتي
بمرقدك يقبل دعائي ,,,,تربتك بيهه شفائي
يا امامي يخو زينب واني حايــر
ادري تتلكه اليزورك واني زاير
:::::::::::::::::::::::::::::::::::::::::::::::::: ::::::
كاصد الشباج الزمه سيدي وينزال همي
من اسلم ياامـــــامي جنك تناديني بسمي
حين انادي يبو اليمه سيدي يزداد عزمي
حبك اليسري بوريدي ساعة الجابتني امي
جنه حبك ياحسين,,,سيدي انته اليقين
حبنه الك ياابو اليمه من الضماير
:::::::::::::::::::::::::::::::::::::::::::::::::: :::::::
بجاه ظلع امك الزهره وجاه عبد الله الرضيع
ذنوبي يامولاي كثره ومـــــا الي غيرك شفيع
هاي روحي والك تندب سيدي اخلافك اضيع
انته يارحمة الباري وباب ربي اشكـــد وسيع
انته ابن عقد الولايه,,,وانته مصباح الهدايه
فاز كلمن مشه بدربك وانته ناصر
:::::::::::::::::::::::::::::::::::::::::::::::::: :::::::::::
سيدي ياابـــــــــو اليمه بدمك الدين استقام
تبقه للاسلام رحمه انته يارمــــــز السلام
بيك تتجله الكرامـــــه بمرقدك يغفه الوئام
فرح ترسم لليزورك حبنه الك حـــد الهيام
شرفت ارض الطفوف,,,كعبه بلمرقد نطوف
ياابو الثوار بسمك عاليه تبقه المنابر
ادري تتلكه اليزورك وانته زايــــــر
:::::::::::::::::::::::::::::::::::::::::::::::::: ::::
ابو عقيل الدغاري
رد مع اقتباس
المشاركة الأصلية كتبت بواسطة أبن ألأشتر
