مرحبا ...
من طريقة كتابة الموضوع ، و وصف التصرف منكم ، اكدر اقدر اعماركم دون العشرين ..يعني بنوتات يافعات .
اني مرة گلتها ، الانسان لما يكون يافع ( التسمية القديمة : مراهق ) ، يكون في عمر تغلب عليه الانفعالات ، و هذي تأثيرات هرمونية ، تخلي اليافعين مندفعين ، في مشاعرهم السلبية و الايجابية و في ردود افعالهم ..
هسة اني ليش دا اگولج هذا الكلام ..
حتى تخلين هذي الحقيقة امام عينج ، لما تحكمين على صرفات صديقاتج ، او تحاكمين تصرفاتچ الشخصية ..
نتيجة الاندفاع الفسلجي ، يتحتم انه اصلاح اي مشكلة ، اول الحلول يكون الهدوء و الابتعاد ..
تبتعدون حتى تهدأ انفعالاتكم ..و يبدي الدماغ يشتغل طبيعي .
هسة نرجع على اللي صار ، منو الغلطان ؟
اولا اني مع حقچ المطلق في ان تعترضين على اي كلام ما تحبين تسمعيه ...ما احد يلومچ ابدا ..
بسسس، بدون انفعال ، بدون ان تجرحين المقابل ، بدون ان تحسسيه انه سوة جريمة ..
لأن اذا المقابل ، اللي هو يافع و بنفس مرحلتچ الانفعالية ، واجه هيچ اسلوب ، هو او هي ايضا رح ينفعل ، و ممكن يتصرف تصرف جارح ، مثل ما هي هسة معاندة و تحاول تأذيچ بالبعد ، هي اذن انجرحت .
النتيجة اثنينكم عندكم حق.
النتيجة الابتعاد جدا ضروري .
النتيجة اذا رجعت اهلا بيها ...و اذا لا ...الف صديقة ممكن تلگين .
النتيجة ، حتى لا نخسر اصدقاءنا بالمستقبل ، لازم نفكر و نتريث و ما ننفعل حتى لا يضيع حقنا و نخسر الناس اللي نحبهم ..
بالتوفيق .
رد مع اقتباس
