لا تحزنين يجي يوم تتخلصي من كل " هذا
لا تحزنين يجي يوم تتخلصين من كل
" هذا
أشوف هواية شباب ما يحترمون الابنية ما معتبريها أنسانة والها رأيها ما معتبريها
أي شيء مو بس الشباب حتى الاهل الاب
الام الأخ بحجة خايفين عليها يعقدوها
هذهِ الطفلة العظيمة تموت يومياً بدون
ما أحد يحس بيها نفس الروتين تكعد
الصبح تسوي ريوك تغسل ملابس تسوي
غده يجيبها الاب بخزرة عين يجيبها الاخ
بصوت عالي تجيبها الام بكفخه على أتفه
شيء زين هو هيج ؟ حتى محرومة من
هواية حاجات والحيوانات الي بالغابة
ممحرومين من شيء هذا الكبت على
البنت راح يخليها شخص ثاني يمكن
يوصلها للهرب يمكن يخليها تنتحر
يمكن بلاوي تصير بسبب هذا كله
أذا أنت أب وجاي تقرأ لازم تكون
أب صالح وتبتعد عن الجهل العشته
سابقاً لإن وقتنا أتغير وأذا أنتِ أم
وجاي تقرأين لازم تكونين أم صالحة
تكعدين ويا بنتج تخبين الها مصروف
تشترين الها شيء هي مو عبد ورايديها
شغل ودراسة وزواج، أذا أنت أخ فلازم
تصير الها سند تصير الها صديق وحبيب
حتى تفرح بيك أنت نفسك مخلي حبيبتك
تسوي كل شيء وحارم أختك من حنيتك
" لا تحزنين يجي يوم تتخلصين من كل
" هذا ،
رد مع اقتباس
المشاركة الأصلية كتبت بواسطة مصطفى العراب
