شكد احبج #
تعرفين يبنيه شكد احبج
احبج بكد شوارع منطقتنه
وبكد طابوك ارصفتها
وتعرفين شكد بيه شوك
بكد شوك البيبان لاهلها
تعالي دكي باب شوكي
واسمعي شلون تطلع ونته
انا بلياج رخص سوكي
وبابي بس اليده حضنته
هواي ادزلج تحيه وسلام
ويه طيور الكطا المسربه
وجم وصيه بوصيه اكتبلج
والطارش يروح ومايرجع بدربه
وانعل ابوها لابو جدها للغربه
اللي ابعاد عن بعض خلتنه
احبج بكد شوارع منطقتنه ....
بعيوني قصر نظر
وعيوني محتاجه لشوفة عيونج
ليش مايمرني بحلم لاطيف
شبيهن ناسيتني عيونج
خل يتذكرني مره بنومج
واذا عني يسألونج
كوليلهن جمعتنا الايام وفركتنه
احبج بكد شوارع منطقتنه ...
اني تايه ابين محله وزقاق
ومتغرب ابلد اسمه العراق
ومااكدر اوصلج ياحبيبه
متعلق بيج وهاي المصيبه
وحلم ترجع بعد لمتنه
احبج بكد شوارع منطقتنه ...
رد مع اقتباس
المشاركة الأصلية كتبت بواسطة الشاعر عامر الفرحان
