،،،،
《زواج القاعه :بالمصلاوي》
حجية سعاد . اشنو هاي الهوسه .
حجية شكرية . هذا زواج القاعه زي ..
حجية سعاد . اغشع كرايبنا كثيغين .
حجية شكريه .مامخلوطه اهل العغوس واهل الختن .
حجية سعاد . اهل العغوس اش جابم مالهم ٤ ايام .
حجية شكريه . ماظلت ٤ ايام كله فغد عجقه .
حجيه سعاد . هذولي لكن منو .
حجية شكريه . الي عل اليمين كرايب الختن . واللي عاليساغ كرايب العغوس والواغانا عوائل صديقات العغوس واللي قدامنا عوائل اصدقاء الختن .
حجية سعاد . وي على هل الفجعه والكفيي .كنيهم عداوات .
حجية شكريه . دحقي بيهم وحدي ديغى ظهغى عاللخ .
حجية سعاد .اغشع كنفشوا نفسم مثل الطاغوس .
حجية شكريه . وحدي تحسب نفسه احسن من اللخ .
حجية سعاد . اغشع كل شوي وحدي منم تفرفر بايده اش معناته هاي الحركه .
حجية شكريه . وحدي عتغشع ذهبه للخ .
حجية سعاد .وي نكفوا خلي يقعدون اهل الاول ويغشعون .
حجية شكريه . هذا اللي عيغني اش عيقول .
حجية سعاد . معغف بس يمكن عيقول شعر شعر .
حجية شكرية . وي ههههه حتى الشعغ صاغتلو غنايي .
حجية سعاد . دغشع بعد اش نغشع واش غاح نسمع . حتى عالقبقاب والطشط غنو .
حجية شكريه . هههه حجيي لا تضحكيني لايقولون عيضحكون علينا .وبعدين اش يوقعنا من ثمم .
حجية سعاد . اي دسكت احسن ... خلي اشغب حباية السكري
حجية شكريه .. اشعلينا كل لشي تتعلق من كراعه انا هم دشغب حباية الضغط .
وانا اقول اش جابكم عالزواج كان نمتم بالبيت احسنلكم
ملاحظة// الترجمة على ١٠٠٠د ، لمو واترجملكم
،،،،
رد مع اقتباس
المشاركة الأصلية كتبت بواسطة غَيّمة إبنـةٌ يعقُوب ✡︎
