الذكريات مش ملكي ولا ملكك يا حبيبي
الذكريات حتة مني وحتة منك يا حبيبي

الذكريات دي ملكنا انا وانت معانا قلبنا
الذكريات ملك الزمن اللي جمعنا ببعضنا
متنسهاش ..لو هخسرك هتجي ذكري تفكرك
هنا مشينا .. هنا ضحكنا..بتغني ليا ......وبسمعك

الذكريات بعد ما بعت ساكنة تفكيري وعقلي
الذكريا بعد ما خونت بتقوللي فين راح حبيبي
الذكريات في كل مطرح قدام عنيه في الحقيقة
شايفاها وكتير فيها بسرح وكل يوم بذكرى جديدة
الذكريات حتة فمكاني صور فرحنا البوم اغاني
دبلة خطوبة كلمة فحدوتة وكلام راح ماتت الاماني

الذكريات في كل الولاد بشوف فيهم صورتك حبيبي
وضحكتك وبسمتك وحشاني ياللي كنت حبيبي

الذكريات هتفضل معايا طول ما جوه قلبي روح
الذكريات دي حتة مني لو فكرتني حتي بجروح

لو فكرتني حتي بجروح
لو فكرتني حتى بجروح

بقلم الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات