زنجيل ابوذية
اخذت اني الحلاوه البيك .. شكلن
ولا ادريك تحجي وياي... شكلين
تعذبني بصدودك بعد .. شك لان
ثقه بناس ما عندك .. ولا أمن
دشوف اجروحي بس تنزف .. ولامن
ولامنك شفت حلوه .. ولا من
عشرتك والتحسبه وياي .. عشرة
واخذت اوياك تحت الصفر... عشرة
خلص عمري واجيت ابربع ...عُشرة
وردت ارتاح شفتك .. منته اناني
وتنيتك عمر لاكن .. من تناني
تذكر من انيمك ... من تناني
على صدري واكلك .. امك اني
واشيل الحمل عنك ... أي امكاني
منو السد كل شئ واصبح .. امكاني
وجمع تعب التعبته ... والكحنه
وامر من باب بيتك .. والكه حنه
لان عيني على ايدك .. والكه حنه
دضم ايدك عليه .. لا تسلني
شجرالي شصار بعدك .. لا تسلني
بصدودك كل حياتي .. لا تسلني
وبقيت اتسله بدموعي .. والمهه
وذم حسرات البصدري ... واللمهه
لان ماكو اليحس بيهه .. واللمهه
يوجع كلش هوايه .. وصل بيه
وحبيبي الماشفت منه .. وصل بيه
يدنيا كلبي عذبينه .. وصلبيه
لان منه السبب خلاني .. احب بس
وشيد سور للبيه .. واحبس
ولا بين شنو البيه .. وحا بس
جوتني احا واكولا .. منه اراضي
رغم منعوني كلهم .. من اراضي
احس بالشوك وافرح .. من ارى ضي
اشوف الضي ضيائه ونور .. شمسه
وارد اختنك ويه الصبح .. شمسه
شنهولي جراله ابُعدي .. شمسه
واشيل ابراسي صفناتي .. وحسبات
عكس متشيل اغلاطي .. وحسابات
تعال وشوف البكلبي .. واحس بات
حبك انت واشواكك .. واريدك
واحسن للكلب ينطي وريدك
ليش اذب تعب عمري .. وره ايدك
ولا مره كلتلي .. شلونك انته
وانا حبك نكتني .. شلون اكته
وذا تسال بكلبي .. شلونه كتاه
ويتيم وحظن صدرك .. وك تمنه
واسكته البيك ضمه .. واكتمنه
يكلي اشلون اصبر .. وكتي منه
واهاذا الوكت مو وكتي ... وشكله
مثل غربان والبيه .. وشك له
نهايه وانْكطع وصله .. واشكله
امل عندي يمر قبل المنيه
رد مع اقتباس
