توجعني الصور والذكره حسبة يوم
وبعدهه انفض الليل العلى اجفوني انخط
وادور حب جديد ايلوكَلي من اشتاكـَ
وامسح كل رمح فوك الظهر شخبط
ربيت بديرة بيهه الموت فاعل خير!!
ما الهه خلك للحجيّ المصّفط
امن اون ونة حزن يتنكَب التابوت؟
يخاف ابثكلي اموت وفوك ظهره انحط
ليش انطيته لزمه الوكت صيد اصكَور
مومن جانبك يمه بحلم تغلط
وكت خلاك يمي امفرع ومذلول!!!
وانه جنت امنشوفن صورتك افحط
رد مع اقتباس
