وهذا الوطن ماخذنا للنار موتى بكبرنا وندفع ايجار
ماضل جفن لليل يحتام
وشعدنا مثل الوادم انام
من جم سنة بعناها الاحلام
وخلص دمعنا من اول العام
شما يمشي بينا الوكت كدام
نتعب مثل قمصان الايتام
هو المثلنا ابيش ينسام
نار الحجي وگلوبنا خيام
عزاز وضحكنا صاير لثام
دور كسرهن بيهن شضام
تلكه بخواطرنا شكثر جام
ومنين ما تندهنه نندار
فطر حجي وگلوبنا كبار
ماعدنا غير التامر وصار
وبعيوننا مدثر نبي وغار
اه يا جرحنا محني الاكتار
جوية دما بمطلاع مسمار
اشراف ونزفنا مكحل الاخبار
ببيوت اهلنا وجنا خطار
هذا الوكت لاهل السبح صار
وهذا الوطن ماخذنا للنار
موتى بكبرنا وندفع ايجار
وكلها تجي بيوم القيامة
وكلمن تصير بخده شامة
الجتال بجفوفه علامه
المجتول بخدوده ابتسامة
ويطيح حظه الما حجه الحگ
الما صار زلمه بساعته وطگ
يم الله باجر راسه دنگ
ذيول فوك ذيول تلحگ
الخ..
عقيل العرد
رد مع اقتباس