مايك يانهر يگدر
يشوف الروجه من تعثر
على جروفك الف مره
عثرت واني بت كوثر
هاي اني الچنت نجمه وگمر
عمري انكسر ضلعة
چنت فوگ السما العالي
وبچة الليل وطحت دمعه
هاي الدنيا من تفتر
مايك يا نهر يگدر
_______
غمضت عيني ومشيت
بليل يم الغالي اجيت
ظلمه وندليت اخوي
عالعطر ماله اعتنيت
طيرة اجيت وكلشي ريح
اركض وعثر وطيح
ما صحت بأسم العزيز
گلبي ضل بسمة يصيح
مايك يا نهر ما خجلن اجروفه
شو بين الله يمه وما يجي يطوفه
ما شوفه بعيوني فدوة اله اعيوني
هو الي تحبه بگلبك اتشوفه
شلون الوفه تعرفه وما صرت كافل
وماعندك اخت مثل اخت ابو فاضل
لو رايد يجيبك للخيم مچتوف
بس حلفته بيه وذبلك اچفوفه
جرفك مو وفي طبعا
ومايك مو مهم اصلا
چان المهم عد عباس
بس لا گلبي يتكسر
انت لو مشتم هواه مثلي
ومعاشر ضواه چا جبت مايك وجيت
للخيم تركض ركض وراه
اخ منها الدنيا هاي خلتك تاخذ ضواي
من رحت فدوة لاخوي
انت وجروفك يماي
اخوي الرايته عندة اغله من چفه
اخوي تلباع عمره لخاطر العفه
لو گايله اخيتك تعطش ابلياك
ضغه يجيبها ويطيگهه اعلى ضفه
كل الماي حصته وما شرب حصته
شافك عايز وچملك من گصته
مايك والوفه من گصت العباس
نهرين التقن جمعتهن الصدفه
من گد ما وفه بروحه
عافك تشرب اجروحك
ساقي الدنيا والوفاي
لازم منه تتعذر
عيون اخوي البيها اشوف
ليش طفتها الظروف
طايحة شمس الله ليش
ونايمة فوگ الجروف
حايره ومادري شگول
خايفه احسابك يطول
ماي ويعطشله ماي
طبعا هاي مو قبول
ياخوفي بحسابك يا نهر تتعب
گد ما بالعطاشه گلوب تتعذب
يعني حسين ضامي
شلون هاي تصير
واخيول الشماته من العذب تشرب
عطشت الحسين وشربت الخيول
باچر لله گلي يانهر شدگول
لو صار الحساب وعالعطش سألوك؟
اول واحد انت يا نهر مسؤول
اقره الفاتحه الروحك
وابچي وانزف اجروحك
شما يبرد بروحك الماي
الماي ذنبك يا نهر يكبر
تدويني
تحميل MP3
هُــنــا
رد مع اقتباس
المشاركة الأصلية كتبت بواسطة دهنج
