(( جرح الاحباب ))
تماثل للشفا كَلبي و نهض صول
وحركَ كل ذكرياتك من ورا الباب
و مسح كل آه جانت سلوة الليل
و خِلص فترة نقاها من الهوى وطاب
ومشة واثق خطى من بعد ماجان
جن مشية طفل ماحصل اصحاب
وحنان البي شبع ثلمات وثقوب
مثل شجرة بحلكَ نقّــــــار الاخشاب
كام بكل قساوة بدوي مغدور
وبعد ميضل غزال ابين الذياب
وقفل بابه بسلاسل بعد ماجان
فطير وباليجي والراح رحّاب
دفنت صفحة مشاعر حيت وياك
دفنتها وعلمت يدفنهة الغراب
حصرياً الك جانن هالعيون
جنت ملّاج انت و نِزِل الاهداب
نقي وتنازلتلك عن العيون
وتولّيت البيابي ابطاب ماطاب
العوض بالله النظر نص منه موجود
جزاتي من الله اريد بيوم الحساب
نص اهل المكابر من اليحسدون
ونص الثاني اضن من جرح الاحباب
خالد السعد
25/9/2020
رد مع اقتباس
المشاركة الأصلية كتبت بواسطة محمد صبيح
