هذه القصيد للشاعرالميساني الكبير عبد الاله منشد الخليفه(كتبت في عام 1968م ونشرت في مجلة ابن البلد عام 1969م )
شريد اهديلج بعرسج؟
حزن لو نوح لو ونه؟
لو دمعة جفن سهران بيها اندوفلج حنه
لوحسرات بين احشاي ثوب العلي حركنه
سيايير العرس مرت
وروحي من الجسم فرت
مشت وياج غايتها تسألج وين؟ جاوحنه؟
نسيتينه ! ولا جنه!
على العشره تحالفنه
نسيتينه! وعلى الشفتين ماتت كل سوالفنه
فلاظلت ........ولا جلمه ولا نظرة ولا بسمه
ولا صوتج يرن بذني
ولا تذكار الج عدنه
بقت بس شمعة العشره
تكافح وحشة الغرفه
هجم جيش الصدود يريد يطفيها فلا تطفه
طفت يوم الخميس الفات من مر هودج الزفه
هلاهل والطبل يدوي
وبنات وجوهن تضوي
يهوسن والكلب مسكين بالهوسات مردنه
شريد اهديلج بعرسج حزن لونوح لو ونه؟؟؟
رد مع اقتباس
المشاركة الأصلية كتبت بواسطة كبريائي قاهرهم
