ياذل الخرابه وذلت الشام
ياذل الخرابه وذلت الشام
وياذل السياط الفوگ الامتون
ويادمعة رقيه التارسه العين
من طف كربله تتجاره العيون
مشتاگه شكثر چانه للحسين
ويوميه تصبر حالها ام عون
تنوح من الصبح حد مايجي اليل
المثل حسين تفگد تصبر شلون
زرگه متونها والوجه ذبلان
بيادين المثل هالطفله مديون
اريد حسين ابوي وصاحت بصوت
وكل البالقصر هالون يسمعون
ناده يزيد خل تشاهد الراس
وكل اليمها خليهم ينظرون
جابوه بطشت ومفطره اشفاه
وعليه الدم نشف ومغير اللون
ياهو الگص وريدك تحچي وياه
وياهو الي كسر من عندك اسنون
شيبك صاير احمر هذا ياشيب
شيبك ويه دمك صار مقرون
"""""""
جاوب ماترد يحسين شيباك
شمر شتمنه واحد ضرب شيباك
ليش مخضب من ادماك شيباك
يراس حسين ريت ترد عليه
ضياء الكناني
رد مع اقتباس
