المكوّنات
8أشخاص
كيلو فرينة
حبة بيض
2 مغارف زيت الزيتون
مغرف خميرة الخبز
مغرف ملح
2 مغارف سكر
2 مغارف حليب پودرة
ماء
الخطوات
نوضعو السكر والحليب والخميرة مع الفرينة ونخلطوهم بالعجان.
أنا ماعنديش العجان استعملت الباتور.
نزيدو البيضة والملح ونزيدو نخلطو شوية ونضيفو الماء ونخلطو حتى تتلايم العجينة
ثم نضيفو الزيت ونزيدو نخلطو.
بالنسبة للعجين لازم تكون طرية
نحوها من الإناء ونوضعو عليها الفرينة ونقسموها علة 5كريات ونغلفوها بكيس بلاستيكي غذائي
نخلوها ترتاح فالثلاجة على الأقل 12ساعة
بعد هاذا نجبدوها ونبداو نخدمو بحيث نحلو العجينة باليد فقط
نملؤ الأطراف بالجبن ونغلق عليهم نوضع العجين في الپلا الي يدخل للفور
ثم نثقب بالفرشيطة وندهن الأطراف بالبيض
ونوضع صلصة الطماطم الخاصة بالبيتزا ونوضع الخضر اللي نحب وندخلها للفرن على 200د
كي طيب من الأسفل نشعللها من الأعلى ونوضعولها جبن شيدار مبشور ونعاود نغلق عليها
كي طيب نوضعلها المايوناز في الوسط والأطراف المحشية بالجبن نوضعلها الصلصة البيضاء الخاصة بالبيتزا باش تعطيلها شوية طراوة
رد مع اقتباس
المشاركة الأصلية كتبت بواسطة sawsanmahmoud
