هنا

[Legend of fall]

السبب بسيط لمن تكلم بنت مصريه تكولها يا البي مو ياكلبي
لازم تنزل لمستوى الإحساس الخاص بها
من وجهة نظري
العراقي لمن يتكلم بغير لهجته
مع اي جنسية يدل ع كرم الطبع والذوق
وخفة الدم
تجد الطرف الأخر ينجذب بلا شعور إليك
لذالك
الألماني. منبوذ حتى في اوروبا لأنه لا يتكلم بلغة غيره


انا اشوفها ايجابية للمواطن العراقي
وشي يفتخر فيه الواحد

مستوى الاحساس للمرأة ايضا يختلف من بلد الى اخبر ، بدليل ( البي ) في العراقي هي سيارة مرسيدس حمل ..
اتفق معك صديقي في كرم العراقي ...
نورت البي

[Legend of fall]

لاحظتها كثير..
مع إنه اللهجة العراقية ممكن أي حد يفهمها..
وهي قريبه من كل اللهجات باستثناء المصرية.

فعلا
قبل كم يوم كنت بـ مطعم مشويات اببغداد
دخلوا بنات ( الله يستر عليهن) احداهن وصت الكابتن على ( بندورة شوي )
مع العلم كلمة طماطة حتى بالزبور مذكورة
شعب مدبلج مو بيدة

[الرميثي]

اعتقد هذا يرجع الى ضعف شخصيتنا امام العرب
شوف المصريين مثلا اذا ما تتكلم باللهجة المصرية
ما يخلوك تغني عدهم لو تغني للصبح
وما ينطوك فرصة للتمثيل لو تصير فاندام
ولهذا الان الكل تعرف اللهجة المصرية لانها كثيرة التداول

اتذكر سئلوا الفنان دريد لحام ليش ما الك افلام مشتركة مع المصريين
فقال لهم يريدوني ان تكلم باللهجة المصرية
واذا تكلمت باللهجة المصرية فمعناها صرت مصري مو سوري

واما الي يقول اللهجة العراقية صعبة وغير مفهومة من قبل العرب
فهذا بسببنا نحن لاننا لانتكلم معاهم بلهجتنا لذلك لايعرفونها

انا فد مرة صار لي كلام مع جزائري
فهو يتكلم باللهجة الجزائرية وانا اتكلم باللهجة العراقية
فلا هو يعرف معنى كلامي ولا انا اعرف معنى كلامه
فاتفقنا ان نتكلم باللغة العربية الفصحى
وهكذا كان

[رجل كل العصور]

بالمناسبه اغلب اللهجات قربا للفصحى هى اللهجه العراقيه...
طبعا دول المغرب العربى. اذا تلتقى بهم لاول مره تحتاج مترجم او تتكلم فرنسي.
مره كنا فى مؤتمر ما... وحصل جدال بين الاعضاء واللجنه المنظمه. فقال صديقى العراقى(أنلاصت)
فقال صديقنا من الجزائر شو يعنى انلاصت...
بقينا صافنين شلون نوضح له معنى هذا المصطلح...
حتى قال له صديقى( Its not clear yet Its complicated situation
قال الان فهمت

شكرا لك يارائع

[نـايـا]

هوه في اكمل من اللهكة العرائية دنه مصرية وبموت فيها


اعتقد تعود لخفة الدم والاندماج مع الاخر والعراقي اذا يروح للصين يومين ينسى للهجته فديته ولا يستقر

[Scrap]

Its not clear yet Its complicated situation= انلاصت
ويگولك ليش تغير لهجتك
ترجمة جميلة دكتور

[Legend of fall]

اعتقد هذا يرجع الى ضعف شخصيتنا امام العرب
شوف المصريين مثلا اذا ما تتكلم باللهجة المصرية
ما يخلوك تغني عدهم لو تغني للصبح
وما ينطوك فرصة للتمثيل لو تصير فاندام
ولهذا الان الكل تعرف اللهجة المصرية لانها كثيرة التداول

اتذكر سئلوا الفنان دريد لحام ليش ما الك افلام مشتركة مع المصريين
فقال لهم يريدوني ان تكلم باللهجة المصرية
واذا تكلمت باللهجة المصرية فمعناها صرت مصري مو سوري

واما الي يقول اللهجة العراقية صعبة وغير مفهومة من قبل العرب
فهذا بسببنا نحن لاننا لانتكلم معاهم بلهجتنا لذلك لايعرفونها

انا فد مرة صار لي كلام مع جزائري
فهو يتكلم باللهجة الجزائرية وانا اتكلم باللهجة العراقية
فلا هو يعرف معنى كلامي ولا انا اعرف معنى كلامه
فاتفقنا ان نتكلم باللغة العربية الفصحى
وهكذا كان

بالضبط استاذ ،
هذا هو قصدي ، بوسيلة التخاطب مع العرب لا تعتبر اللهجة العراقية هي وسيلة التخاطب الاولى بالنسبة للطرفين ..
اما الكلام مع الجزائرين و المغاربة و التوانسة ، فهي مشكلة بحد ذاتها ..و اذا تخاطبوا فيما بينهم ، اتحدى اي شخص ان يفهم ما يقولون بإستثناء حرف الـ(ق) اللي يقفز بين كلمات مجهولة

[Legend of fall]

بالمناسبه اغلب اللهجات قربا للفصحى هى اللهجه العراقيه...
طبعا دول المغرب العربى. اذا تلتقى بهم لاول مره تحتاج مترجم او تتكلم فرنسي.
مره كنا فى مؤتمر ما... وحصل جدال بين الاعضاء واللجنه المنظمه. فقال صديقى العراقى(أنلاصت)
فقال صديقنا من الجزائر شو يعنى انلاصت...
بقينا صافنين شلون نوضح له معنى هذا المصطلح...
حتى قال له صديقى( Its not clear yet Its complicated situation
قال الان فهمت

شكرا لك يارائع

the Iraqi dialect seems to be complicated for Iraqis in the first place
احسنت دكتور على الاضافة الاكثر من رائعة

[Legend of fall]

هوه في اكمل من اللهكة العرائية دنه مصرية وبموت فيها


اعتقد تعود لخفة الدم والاندماج مع الاخر والعراقي اذا يروح للصين يومين ينسى للهجته فديته ولا يستقر

ام الدنيا
نورتي بنيتي

[Legend of fall]

Its not clear yet Its complicated situation= انلاصت
ويگولك ليش تغير لهجتك
ترجمة جميلة دكتور

شوف ،
قبل سنة ، اضطريت اترك الشغل و ارجع للبيت بالليل لأن بنتي مريضة ،
احد الاصدقاء اللي بالدوام كال اجي وياك هم اشوف اهلي و نرجع سوى ... طريق الدوام هو طريق الزوار الايرانيين بالاربعينية و الطريق بيه اكثر من موكب رئيسي ..
المهم اثناء عودتنا للدوام ، قررنا ان نرتاح باحد المواكب و نتعشى ...
ابو الموكب مسوي كباب و طماطة شوي و كذا ...
بس الموكب كله ايرانيين بس اني و صاحبي عراقيين ...
السرا كان طويل جدا على الكباب و الطماطة الشوي لأن كان تجهيزهم بمكانين منفصلين ...
صديقي كال ابو فدك ان استراح ، اني اعرف فارسي و امشي اموري وياهم و اضرب السرا ..
صاحبي اخذ لفتين كباب ، و اتوجه لسرا الطماطة الشوي ، فتكلم وي الايراني اللي واكف قبله بالسرا ، الايراني ابتسم ، اخذ اللفات من صديقي ، تشكر منه و طلع ...
رجع صاحبي ميت ضحك ، كال ردت اكول له من رخصتك كتله تفضل هههههههههه
منا و قيس يا بعد روحي