هنا

[ريـــم]

هلو ريم
عذراً على المداخلة
بس ليش تحسبين المتظاهرين " فئة " ؟
ليش ما هو الشعب طلع نفسه
وبعدين ليش عدنا لغة التبرير للقاتل ؟
الـ( مولوتوف ) بكل بقاع العالم يشيلو المتظاهرين
من شالو العراقيين صار كخه وأوي ومخربين ؟!
يجي أبو الشغب شنو أشمر إله مي ورد !
اما شهداء أو لا
فالمرجع الكبير وصفهم بالشهداء لو أنتِ أعلم من المرجع ؟
الي يريد وطن كل شي يسوي هذا بركان وأنفجر لو بس خابصين الناس شوكت الشعب يصحى وشوكت الشعب يكوم
ومن انفجر الشعب طحتوله تسقيط وكلام ما إله معنى وغباء !
ما أريد أحد يرد على الكلام بس هذا للتوضيح ....

اي اكيد فئه معينه من الشعب
مو كل الشعب طلع ولا الكل موافق على تصرفاتهم ..
مو كل الشعب طلع بس طلعو قسم سلميين وقسم طايشين معرفو يتصرفون
ورمو بنفسهم للتهلكه ..جانو يصيحون عذرا ايها السادس نريد وطن
وهسه يصيحون نريد ننجح بدون دراسه ليش هالتناقض ؟
لاا مو بكل بقاع العالم المتضاهر يعلك طفل بالترفك لايت ؟!
مثل ما سوو بساحة الوثبه وغيره وغيره
وثانيا على منو ديرفع بطل نار على شرطي لو جندي ؟
هو الجندي اخوو وابن عمه وسووهه حرب اهليه ..
اني الحد الان من اتذكر هذا الطفل الي علكو بالوثبه انقهر وكلبي يوجعني وادعي عليهم ..
ابو الشغب يتصرف باوامر ويرش مي وفلفل حار مو بطالة نار وتخلي الجندي يكمز بنص الشارع
شهداء بأي اساس؟؟دفاع عن الارض ؟عن العرض ؟عن الدين ؟
طبعا الدوله والمرجع ينسبهم للشهداء حتى يخلص من الكلام والمشاكل الزايده
لو ما بوصفهم شهداء غير تنحرك الدنيا ..

[ريـــم]

عائلتنا فقدنا اكثر من شهيد بهاي التكولين عنها منو يكول شهداء
وما حركو شي ولاشمروو وجانو يردون وطن ريم شجابج عالسياسه جيبولي الـ TNT

ومنو كلج اني هم ما فقدت ناس بالمضاهره ؟؟
مو كتلج بيهم سلميين وراحو غدر
جابني حضي

[علي الواسطي]

المظاهرات بيه الزين وبيه الموزين

بيه اللي يطلع حتى يحاول يضغط ويغير النظام الفاسد اللي بالسلطة .
وبيهم المندفعين المأجورين لأغراض معروفة والمظاهرات انحرفت عن مسارها من اول اشهر واستغلت والشعب الفقير هو الضحية استغلوا الشهداء اللي سقطوا ضحية الطرفين ليش بهالوكت صارت وليش كل مرشح ينرفض الا الكاظمي سكتوا عنه ؟؟؟
لأن عنده اجندات ويناسب خططهم حسب الاوامر انتهى دوركم انسحبوا ومشكورين ماقصرتوا .

سؤال للبعض شنو اللي تغيير قبل الكاظمي وبعده ؟؟؟
شو حتى الحصة اللي مابيه شي هسه كلش انكطعت صار ستة اشهر .
اللي يحب الوطن ينظر من جميع النواحي ميباوع بعين وحدة .
الوطن مو بحرق المؤسسات ولا بتعطيل الدوام وخصوصا المدارس لأنها للعلم لو كنت تفهم

[Jawad980]

سمعتها من شيخ معمم كان يحكي تاريخ بداية صلاة الجمعة

يقولون .. ليس كل ما يُسمع يُقال يا حبيبي. بصراحة؟ خلي أقول لك شيء (خارج الموضوع) وأنت تعلم أني أحبك.. لماذا؟ لأني وجدت فيك نفس ديني، بالاضافة الى رؤيا فلسفية وادراك واضح.. ولكن!! على قدر تلك المعرفة والحب.. أنا الان أجهلك تماما..
تغيير مسارك.. وخطاك لم تعد بذلك الجمال كما كانت! أصبحت خطى ثقيلة وعنيفة! ربما تصل احيانا للعشوائية! عذرا سيف.. ولكنك سلبتني فيلسوفا أحببته جدا.. سيف القديم.. كان شيئا تمنيت ان اكون مثله.

[Haidar Iraq]

زاهد عزيزي ... ولا يهون اسرار ...
عندك شيء عليهم ممكن تطرحة بالقسم باسلوب يحترم لغة الحوار ... ويصير نقاش عليها ...
اكو مثل عدنا يكول : ماكو زور يخلة من الواوية ..
وعلى هالاساس لا يمكن التعميم بهاي الصورة ..
بعدين ...
هذا الحجي مو مكانه هنا ...
شمهما يكون لازم نحترم سياسة المنتدى والقسم والموضوع ..
وتاليها كلمن يشمرله حجاية ويروح ينااااام ..

ويَبقى الوضع على ماهو عَليه في عُوراقُنا العَظيم ..
رَغم النقاش الذي بَيننا .. لأننا لانَصل إلى نَتيجه .. ولا نَستَطيع إيجاد الحلول المُناسبه للعوراق العَظيم .. ولكن النَتيجه التي نَحصَل عَليها من خلال النقاش .. هيّ ( حرگان الگلب فقط ) .. والتدخين الزائد للسگائر وشرب الشاي ..
ولاتهون النارگيله ..

[سيف حسين]

يقولون .. ليس كل ما يُسمع يُقال يا حبيبي. بصراحة؟ خلي أقول لك شيء (خارج الموضوع) وأنت تعلم أني أحبك.. لماذا؟ لأني وجدت فيك نفس ديني، بالاضافة الى رؤيا فلسفية وادراك واضح.. ولكن!! على قدر تلك المعرفة والحب.. أنا الان أجهلك تماما..
تغيير مسارك.. وخطاك لم تعد بذلك الجمال كما كانت! أصبحت خطى ثقيلة وعنيفة! ربما تصل احيانا للعشوائية! عذرا سيف.. ولكنك سلبتني فيلسوفا أحببته جدا.. سيف القديم.. كان شيئا تمنيت ان اكون مثله.

زعلك صعب عندي
اخ و صديق وعزيز انت
اعتذر منك