ريت احزاني وجرح كلبي تصيح
تصرخ بعالي وتسمع هالخلك
الآه كد الكون لايمكن ...قليل
وسيل دمعي بعيني مايوم افترك
موتكول دموع لاجنهه الفرات
سالن إدموعي أجرَحَن خديني
كلبي يصرخ جن طفل رايد حليب
بيش اسكته و ما كو شي بايديني
مو حليب يريد محتاج الحبيب
والحبيب المبتعد .....جافيني
راح عني و طلعت افراحي وراه
ليش مويدري البعد.... ياذيني؟
لااكل مرغوب لاماي اشتهيه
انت حبي وشهوتي ورغباتي
انت يالماخذني من امي وابوي
وبيك يتحقق وجودي ..وذاتي
بيك مرسوم الفرح مامش بعيد
مبتسم كلبي وعلت ضحكاتي
يامناي وحلمي الاول والاخير
يانبض كلبي وحلاة انفاسي
لا تزيد البعد ارجعلي حرام
مااريد احزان شيب راسي
خلني افتح مثل نجمات الصباح
مبتسم ثغري وتفوح... أعطوري
خل اعوف الحزن واضحك من جديد
بالي مرتاح......وتغرد أطيوري
موحريمه تكضي الايام وتروح
واحنه باحزان وهجر كاضيهه
منهو ضامن عمره باجر مايموت
ويلبس اثياب الندم ....تاليهه
وياندم ينفع بعد ...مو كلشي راح
راح نصفي الجنت احس بيه مكتمل
خلي ينفعني البجي واللو وراه
وأشعر بغربه ومن.. ايامي امل
لازم الحك كبل مايمشي القطار
وويه ولفي..... انجمع للتالي
نحلي الايام بغزل واحلى الكلام
ولفي يمي ....وحققت آمالي
رد مع اقتباس
