اكتب لحيدر دعائك بالسلامة
يا دمع يالتجري بعيون اليتامه
اكتب لحيدر دعائك بالسلامة
وي ضوه خيوط الفجر
اجمع حروف الصبر
اكتب لحيدر دعائك بالسلامة
بهيده يا دمع اليتامه عله اليتامه
ما اظن عدهم جفن عاشر منامه
والزمان بلا رحم صوب اسهامه
ونعش حيدر اخذ طعم الابتسامة
ودعت حيدر وداع الماله رجعه
وكل يتيم يسلي عين بجاري دمعه
يا دمع طفي الجمر /اجمع حروف الصبر
اكتب لحيدر دعائك بالسلامة
اجت يم محراب حيدر تشكي همهه
تحمل بدمعاتهه حرگة المهه
ابد وي حيدر فلا عرفت يتمهه
چان يمهه وهسه حيدر ماهو يمهه
يا هضيمه يروح عنهه ياهضيمه
چان بيده ينشف دموع اليتيمة
يادمع لا تنتظر / اجمع حروف الصبر
اكتب لحيدر دعائك بالسلامة
كتبت حروف الصبر قصة حزنهه
والليالي عله المناحه علمنهه
ودم جرح حيدر جره بطية جفنهه
فارگتهه چفوف حيدر فارگنهه
يا چفوف التمسح براس الغريبه
ايست من حيدر وايس طبيبه
نالته چفوف الغدر /اجمع حروف الصبر
اكتب لحيدر دعائك بالسلامة
يمهه زينب تجري دمعتهه الحزينة
وابو محمد غصت بدمعاته عينه
وبگلب ملهوف ما بطل ونينه
ناشدتهم هذا ياهو الشايلينه
واليتامه هنا يزينب جاوبوهه
وبالجواب ام المصايب حيروهه راس ابوهه المنشطر / اجمع حروف الصبر
اكتب لحيدر دعائك بالسلامة
اهتزت الافلاك من هاي الرزيه
والاملاك تعزي أحمد والرزيه ركن دين الله انهدم هاي المسيه
طاح بالمحراب حماي الحميه
جرح حيدر ينزف آيات العداله
طاح بالمحراب قرآن الجلاله
والمعاني بكل سطر / اجمع حروف الصبر
اكتب لحيدر دعائك بالسلامة
صعبه جفن البي دمع يابويه يغفه
ونار فگدك بالگلب ماظنهه تطفه
توجع دموع اليتامه وبيهه لهفه
تريد جرحك يا علي بچفهه تلفه
ياهو بعدك يا علي يضمد جَرِحهه
جرح طبرة هامتك بويه جِرَحهه
ياكسر ما ينجبر / اجمع حروف الصبر
اكتب لحيدر دعائك بالسلامة
الشاعر ابو اسحاق الفحام
رد مع اقتباس
