يرضه أبو فاضل اروح ميسره
بعد ساعة وتطلع خيوط الفجر
نروح مسبيات ونودع الخدر
يابوفاضل يالكفلت ضعونه
ترضه خولي والشمر يسبونه
نروح مسبيات ونودع الخدر
بعد ساعة وتبتدي قصة سبينه
نروح مسبيات والخدر العلينه
نعوفه يم چفوف كافلنه وولينه
نگله ياعباس ياخويه نسبينه
يرضه أبو فاضل اروح ميسره
وآنه ما بالكون مثلي مخدره
عله الهزل والعده يشوفونه
ترضه خولي والشمر يسبونه
كون باچر ابد ما يطلع صباحه
واگضي ليل هدعش بالون والنياحه
باچر الأيتام أبد متشوف راحه
خاف ياذيهه السبي بهزل رواحه
يابوفاضل تدري سكنه مدلله
خاف توگع من تميل الراحله
ومن تميل الراحله يضربونه
طفله اجتني تگلي چا عباس وينه
ما اصدگ عمي ما ينغر علينه
عمه صيحي لكافلچ بلكن يجينه
صدگ نايم عالنهر ومغمضه عينه
آنه ادري عله النوايب ماينام
وبالشدايد كون فزاعه العمام
وين اهلنه وليش ميفزعونه
ترضه خولي والشمر يسبونه
صعبه ياعباس اصعد عالهزيله
وآنه بت حيدر علي حامي دخيله
عگبك احسبني يعباس الكفيله
كل اخت تحچي لخوهه وتشتكيله
واليتامه مچتفه فوگ الهزل
مجرحات چفوف اديهه من الحبل
نسكت وتحچي دموع عيونه
ترضه خولي والشمر يسبونه
الناس من نمر عليهه تصد علينه
وحنه نتستر يبو فاضل بدينه
بجامعه شفت العليل مگيدينه
لراس ابو السجاد شفته يدير عينه
خاف للكوفه يطب ضعن السبي
عله الهزل يحدي بينه الاجنبي
وحنه بيت الخدر ويعرفونه
ترضه خولي والشمر يسبونه
ابو اسحاق الفحام
رد مع اقتباس
