بذات ياعام الحزن
وشبعد ياعام الحزن
شتريد تاخذ گلي
كل الحبايب غربوا
ظليت أنه وظلي
منجل خذت وين الوفي
قصرت . غير تمرلي
لاوين ماخذهه الربع
بقيلي شي من أهلي
بذات ياعام الحزن
ماتندل الا احبابي
ابشر ولك مانزلت
راية عزا من بابي
كلما احاول ماافز
اذكر وجوه اصحابي
الدمع ميبرد الجفن
شيطفي جمر اهدابي
ذولاك باعوا ديرتي
وذبحوا شباب ولايتي
ماشفت ثارك بس علي
وين العزيز اتلكط
وياهم انت تأمرت
وبطعني ابد ماقصرت
شماعاينك سم تنكط
ياعام مرهم وانتقم
أنصف بحزنك عالخلگ
شوف الي داسوا عالحلم
مر عالذي بحضرة وسرگ
شتدوس وشظل وانلچم
موزین بالقدره وخفگ
هذا الدلیل البلجسم
مرتین من نبضه انعتگ
مهند صاحب
رد مع اقتباس
