شونكم اخوتي ان شاء الله زينين
اني بعدني ما شايف مشاركة سوزانا بس متأكد متكون بنفس الاحترافية الي اني مشتغلها هههه ، لان اني اشتغلتها ع طريقة اهل الشام ومثل ما تاكلوها عد اهل الكنافة
نبلش بالمقادير و نشرحهم ويا الصور
كيس كنافة او شعرية نصف كيلو
كيلو جبن عرب او اكو يسموه جبن اكراد او اهل الشام يسموه العكاوي (نخليه بالمي لمدة ٢٤ ساعة و كل ٦ ساعات نبدل المي مالته حتى نتخلص من ملوحته) ، بعدين نخليه بست البيت او الخلاط و يكون شكله النهائي هيج
نغلي نصف قالب زبدة
نخلي الزبدة ع الشعرية و نضيف ٦ معالق سُكر ^_* و نخلطهم سوه
هسه نجيب الصينية و اهم شي تكون فافون ، و الافضل نخلي دهن حر (سمن بلدي) بس اني ما احب ريحته فـ استخدم سمن عادي ، نستخدم من ٣-٤ معالق و نسويهن بهل شكل
بعدين نجي نضيف الشعرية ونرتبها بشكل متساوي حتى تكون طبقة وحدة وتستوي بنفس الوقت
بعدها نضيف الجبن بهذا الشكل (كلما كان الجبن اكثر من الشعرية كلما صار الطعم اطيب)
بعدين نخلي الصينية ع اصغر عين بالطباخ ونار هادئة
بس ركزولي بهاي النقطة لانها اهم شيء ، ابد لا تخلون النار ع نص الصينية اكبر غلط ، دائما خلوها ع اطراف (لا تضوجون اذا طفر الدهن و وگع ع طباخ اهم شي عدكم واحد يمسح وراكم مثل ما صار ويايه هههه)و استمروا بتدوير الصينية بحركة دائرية مستمرة بس توگف ثواني راح تخرب ، وشوفوا بالنهاية بس رديت ع تلفون نسيتها لمدة ثواني صار شوي بيها سواد هههه ، من تبقى النار ع اطراف راح يذوب الجبن بشكل تتابعي من الطرف الى ان يوصل للنص
وهذا الشكل النهائي ( لا تنسون الشيرة ، الكمية حسب الرغبة)
لا تنسوني بالتقييمات واللايكات والشيرات واذا ما مفعلين جرص القناة فعلوه حتى يوصلكم كل جديد ^_^
والان نجي لمشاركة سوزانا
مرحبا..
رامي يكول محد ينافسني بالكنافة وبصراحة من شفت مشاركته قررت انسحب بس اتذكرت اكو احبةيموتون على طبخي
واعرفكم انتو عادلين وماتقصرون بالتصويت
صورة اولية
المقادير:
1جبنة موتزاريلا ام الف ونص
1 علبة قشطة ام ال٥٠٠
نص كيلو كنافة ب٢٥٠٠
1 قالب زبده ب٥٠٠
الشيره: كوب سكر وكوب ماء
التزيين :جوز وفستق حلبي
الطريقة:
تفتت شعرية الكنافة وتضاف اليها الزبده الذائبة
تقريبا ٣ ارباع القالب
وترص جيدا في قالب مدهون بالزبده ثم يضاف اليها الجبنة والقشطة وكمية الكنافة المتبقية وتغلف بورقه زبدة ونضع عليها شيء ثقيل لكي ترص جيدا..
ثم توضع في فرن لمدة ربع ساعة ونضيف اليها الشيرة ونزينها بالمكسرات..
وشكرا
رد مع اقتباس
المشاركة الأصلية كتبت بواسطة قزومة
