ارد اسالك انته لـــــو مسـلم صدگ ، شعر شعبي حسيني
شــوية إرحمــهن اذا عنــدك رَحَم
فوگهن مـــــــا كفتك حـرگ الخيَم
تعبن و نامــــن بنـاتي امــــن الالم
و ادري هسه ايحلمن ابراعي العلم
ازغار وحدتهن ابـــــد مـا تحتمِل
و حيل مشدودات اديهـن بالحبِل
الله ما يرضه تــــــره ابهذا الفعِل
ابسلسلة للكوفة جبـتوهن سَحِل
نامن امن الخوف مدري امن الحزِن
المهم گــــــــدرن يطــــبگنه الجفِن
بلكت الله أيطــــــــيب لارقية المتِن
و ما تفـز اسكــــــــينه و لعمها تحِن
ارد اسالك انته لـــــو مسـلم صدگ
ترضه بنتك چــــــف رجلها يحترگ
تركـــــــض و دخــــان خانگها خنگ
و بالســـــــياط امتونها يصيرن زرگ
شلــــــون نومـــــة عالترايب نايمات
و راس ابوهن يبچي من دم عالقناة
بيش اغطـــــيهن حــــرت المدللات
و انه ما ظلـــت عليَّ بــــس هالعباة
اهواية تعَّبهن ثگل هـــــــذا الحديد
فكهن و لتـخاف مــــــــيروحن بعيد
حتى لو فـرن و ركضـــــــن عالصَعيد
يم ابوهــــــــن راح تلگـــــاهـن اكيد
علي حسين الكناني
رد مع اقتباس
