من ارد ابوسك ليش وجهك تديره ::
وانه علمود شفاك عفت العشيره ::
من ارد ابوسك ليش وجهك تديره ::
وانه علمود شفاك عفت العشيره ::
يا دنيا جيري وياي زيدي الحمل هاج
تاليـــهه للدفـــان قـسمـــتنه ويـــاج
والله اشلع الدلال لو حن عليهم
الما حموا مگفاي چا شلي بيهم
وين الله ويكولون ردت تراها
اخذهالوعشرين جاهل وراها
لو طن ملح علزاد هم ما يوافون
ربعي اطلعو غمان ابضهري يحجون
يالماشي صوب اهواي وتمر على الدار
گلـه انعمـن بجـفاك ذنيـچ الاكـبار
خرسه ورچيچه حيل طرمه وطريحه
تطلگ تريد اجيب ياهو.......التصيحه.
ياخويه ضكني العوز وانه اعتنيتك
كلالي بيش اتبيع اني اشري بيتك
العاتبتة ضل مغثوث والعفتة ماجاز
ياربي خلگك ليـش صحبتـها للچـاز
طبع الحجاره تموع من يوصل الماي
وكلبك صخر جلمود وصوابه بجلاي
رد مع اقتباس