فقرة اليوم عن الام والاب
فقرة اليوم عن الام والاب
أبوي لا بثمر لا كاع وبمسحاته علاها بساتين
يمه فطور رجليج ترفه وناس عينها خشنه وما شافتج زين
ابوي اشكد حنون ايفيض وجدان
وابوي اصحابه تتباها ابصفاتــــه
يم گلب ينگط محنه
ويم سوالف دافيه
ويم دمع يجري ع گلشي
الجنه حدج خايفه
الدليل لو ما نور وجهج
عندي ظلمه وطافيه
يمه مدغوشه النوايب
وبس انت نيتج صافيه
يمه خبزه من ايدج لذيذه وبيه كل العافيه
يمه من كون انتمرض مسحت ايدج كافيه
اني ما محتاج
بس الله
وابوي
وشيلت امي الدافيه
لو جبت كل الكون وتحطه يمي
ما ابدلنه بخيط من شيلت امي
طاحت دمعه امي شالها العصفور
كاله استغفر الله الجنه تبجي
ابوي ـــــــــــ
ابوي اشكد حنون ايفيض وجدان وابوي اصحابه تتباها ابصفاتــــه
كريم ايجود حتى ابلگمة اعشاه وقف للناس ناذر كل حياتــــــــــه
اذا يسمع طفل فد يوم جوعان توگف لگمته ابطارف لهاتـــــــه
من يوگف يصلي اتفيضه الدموع اوتصير ادموعه سجادة صلاتـه
يشماغه بخت وعگاله شارات صر اهموم ربعه ابسد عباتــــــه
شريعه تشع امل وشراع بالريح لجل الناس ناكر دوم ذاتـــــــــه
وابوي الغيره عنده اجروف نهران منها اصحابه تغرف والشماتـــــه
وابوي اشيگصي وكته ايگوم تفاگ يتوچه اعلى جرحه ابكل رهاته
سمح يلگه العذر لليخطي وياه عفه اوحلمه چرچوبة سماتــــه
ماسد باب جوده ابشحة الجود عنوان الكرم كل ذكرياتــــــه كل شبه
ابمظيفه اعدال ديوان غاص امن الزلم حتى ابمماته وابوي الخير بيده
اشيكرم ايزود مثل حري العراق اومي فراته
رد مع اقتباس