هنا

[أبن ألأشتر]

هذا موضوع نقاش ويجب تحمل الرد بروح رياضية .
...........
الموضوع كيف صارت التنورة للنساء والبنطرون للرجال .
1- هل هي شغلة طبيعية
2- ام مستوردة
............
انا اقول كانت التنورة للرجال .
يعني ببداية الامر للرجال واخذوها النساء
الدليل .
الدواعش شفتهم لابسين قصير بس ساتر عليهم السروال .
يعني لو موالسروال .
كانت ملابسهم عبارة عن تنورة .
شنو رايكم يادرر
..

[الرميثي]

الدواعش شفتهم لابسين قصير بس ساتر عليهم السروال .
يعني لو موالسروال .
كانت ملابسهم عبارة عن تنورة .
شنو رايكم يادرر
..

الدواعش يلبسون زي افغاني مو تنورة ههههه

[رجل كل العصور]

الاسكتلنديون لحد الان يلبسون تنوره
احسن من جماعتنا لابسين بناطير نازله لاسفل خط الاستواء

[أبن ألأشتر]

الرميثي .رجل العصور
مانطيتوا رايكم اعتقادكم
التنورة اساسها للرجال لوللنساء
غير اعرف .

[أبن ألأشتر]

الدواعش يلبسون زي افغاني مو تنورة ههههه

اي هم لبسوها على اساس انهم سلف قديم
وعندهم اصل لهذة اللبسة
من القديم ولبسوها

[قاسم البهادلي]

لي عودة مع الدليل ان شاء الله
تسلم ايها العلم

[مهدويّة.❀]

يلة يخوي هية لو ظاله ع التنورة نعمة هية اصلا تاهت بعد ما تعرف الملابس الرجالي من النسائي
و شكراً ع الموضوع

[أبن ألأشتر]

غفر الله لكم يادرر
المشكلة ماكو في بيتنا تنورة
ورحت الى سوك هرج ولكيت
عيوز عدها كومة ملابس وصايرة كوم بلاترتيب
وانا بحوشتهن .
ولجحتلي تنورة جوزية ام اللمعة . واشتريتها (ابربع سعرها )بس انطيتها الف
كسرت خاطري .
اخذتها للبيت طبعا التنورة معفسه وحتى الجلب ايعوص اذا عضها .
انه خليتها ابجيس .
شوف الغباء مال اخوكم .
من وصلت البيت . راسا صحت المره .وطلعتها من الجيس وكتلها اغسليها
هي شافتها وصفنت .كتلها بس حبيبتي موتنسين خلي عليها ديتول وأتأكدي من نظافتها
انه حسبالي هي تدري ابنيتي (هذا الغباء)
المهم كالت لي شنو هاي التنورة والماً .
كتلها اريد اجربها حتى اكتب عنها بالمنتدى
شوفوا . الله عليكم هذا حجي بالله .
كالت شنو المنتدى شنو تنورة .
عاد انتبهت .فرحت الوص .وحوس .
حكيت الها القضية وهواي شرحت لما دوختها .
هي مامصدكه لان مافتهمت شيء بس نفذت المطلوب
وامرها الى الله .
المهم .لما خلصت التنورة ونشفت .
رحت لبستها . واطلعت على نفسي بالمراية شواربي ولحيتي
مامزينها ولابس فانيلة ام العلاكة وتنورة .
المشكلة بعد عشر دقايق ويأذن الاذان وانا لابس التنورة وامشي امام المراية .
والمرة ادك على راسها كالت رجلي اتسودن والعيال تضحك وتصفك .
كل هاي على مود أجرب ملابس الدواعش القصيرة
الصراحة جان كثير من الهواء يتسرب من خلالها .
بس ياجماعة استحيت من حالي .
المهم بعدين لبست حدرها سروال .
واخذت صورة الي طلعت داعشي بس بتنورة نسائية .
ماادري التنورة منو جانت صاحبتها .هي جوزي فاتح وفيها لمعة
الله يعلم صاحبتها رقاصة مدري اقل مستوى بس يجوز لفنانه مثل مراية كيري .
ياجماعه ورطتوني .
عاد من زعتها كالت المره هسة شسوي بيها .
كتلها وديها ثواب .
كالت انت لومسودن لوتحلم .كتلها ليش
كالت بس كلي ياهو من اهلنا لوجيرانه بنته تلبس تنورة .
انتبهت من جديد كتلها ماكو .
بعدين كتلها جيبها صارت عندي فكره بيها .
هم تضايقت المره من هاي الفكرة الجديدة
انه هسة ظامها . وراح اسوي بيها مقلب
عاد ماادري لوادفع فصل لوتمر القضية على خير .
لاني راح اودّيها صوغة الى الحجي واحد من اهلنا يحب المزح
وعنده مقالب هواية .
انه شراح اسوي .
احطها ابكيس مع عكال وجفيه وارسلها ابظرف هدية خاصة
الى ابوعبدالله العزيز
ونشوف النتايج لان بعدني ماراسلها .
هاي كلها من وراكم يادرر .
الرميثي ورجل العصور
غفر الله لكم

[مهدويّة.❀]

غفر الله لكم يادرر
المشكلة ماكو في بيتنا تنورة
ورحت الى سوك هرج ولكيت
عيوز عدها كومة ملابس وصايرة كوم بلاترتيب
وانا بحوشتهن .
ولجحتلي تنورة جوزية ام اللمعة . واشتريتها (ابربع سعرها )بس انطيتها الف
كسرت خاطري .
اخذتها للبيت طبعا التنورة معفسه وحتى الجلب ايعوص اذا عضها .
انه خليتها ابجيس .
شوف الغباء مال اخوكم .
من وصلت البيت . راسا صحت المره .وطلعتها من الجيس وكتلها اغسليها
هي شافتها وصفنت .كتلها بس حبيبتي موتنسين خلي عليها ديتول وأتأكدي من نظافتها
انه حسبالي هي تدري ابنيتي (هذا الغباء)
المهم كالت لي شنو هاي التنورة والماً .
كتلها اريد اجربها حتى اكتب عنها بالمنتدى
شوفوا . الله عليكم هذا حجي بالله .
كالت شنو المنتدى شنو تنورة .
عاد انتبهت .فرحت الوص .وحوس .
حكيت الها القضية وهواي شرحت لما دوختها .
هي مامصدكه لان مافتهمت شيء بس نفذت المطلوب
وامرها الى الله .
المهم .لما خلصت التنورة ونشفت .
رحت لبستها . واطلعت على نفسي بالمراية شواربي ولحيتي
مامزينها ولابس فانيلة ام العلاكة وتنورة .
المشكلة بعد عشر دقايق ويأذن الاذان وانا لابس التنورة وامشي امام المراية .
والمرة ادك على راسها كالت رجلي اتسودن والعيال تضحك وتصفك .
كل هاي على مود أجرب ملابس الدواعش القصيرة
الصراحة جان كثير من الهواء يتسرب من خلالها .
بس ياجماعة استحيت من حالي .
المهم بعدين لبست حدرها سروال .
واخذت صورة الي طلعت داعشي بس بتنورة نسائية .
ماادري التنورة منو جانت صاحبتها .هي جوزي فاتح وفيها لمعة
الله يعلم صاحبتها رقاصة مدري اقل مستوى بس يجوز لفنانه مثل مراية كيري .
ياجماعه ورطتوني .
عاد من زعتها كالت المره هسة شسوي بيها .
كتلها وديها ثواب .
كالت انت لومسودن لوتحلم .كتلها ليش
كالت بس كلي ياهو من اهلنا لوجيرانه بنته تلبس تنورة .
انتبهت من جديد كتلها ماكو .
بعدين كتلها جيبها صارت عندي فكره بيها .
هم تضايقت المره من هاي الفكرة الجديدة
انه هسة ظامها . وراح اسوي بيها مقلب
عاد ماادري لوادفع فصل لوتمر القضية على خير .
لاني راح اودّيها صوغة الى الحجي واحد من اهلنا يحب المزح
وعنده مقالب هواية .
انه شراح اسوي .
احطها ابكيس مع عكال وجفيه وارسلها ابظرف هدية خاصة
الى ابوعبدالله العزيز
ونشوف النتايج لان بعدني ماراسلها .
هاي كلها من وراكم يادرر .
الرميثي ورجل العصور
غفر الله لكم