هنا

[اديان]

يوميه اطب صفحتك
واتأمل بصورتك
واقرالك اخر نشر
تكتب خواطر كمت
مبروك و تعلمت
كالولي تكتب شعر
اخر قصيده الك
اذتني كلش ولك
كالو تريد الهجر
تقبلبهه اضل وحدي
منين يعني ابتدي
معقوله ارد للصفر
ادري انه كلبك ترف
باحساس نبضه نزف
شتقنعني كلبك حجر
تدريني من انفعل
بس ما اريدن زعل
من شوكي كلبي انفطر
يل ما خذت شمرتي
تدري برخص دمعتي
قيمتهه ماي المطر
مرخوص من تبتعد
يارب هم تنسعد
وتعيش احلى عمر
بس عندي يمك طلب
بصفحتي لا تنعجب
ونطيني هسه حضر

[بـاران]

هههههه.. حلو

[مصطفى العراب]

رؤؤؤؤؤؤؤؤؤؤعة عاشت الايادي