اتعلمت انا منك بقلمي محمد البهلوان
اتعلمت انا منك يا حبيبي كتير
حروف القسوة والغدر الكبير
وكمان منك انا اتعلمت
عمري ما ابني تملي انا اهد
واتعلمت احسب واعد
شاطر عمري ما كنت بليد
واتعلمت كمان ازاي
اجرح واجرح مقولش ازاي
ولا يصعب عليا دموع
ونهايته سلام بالايد
انت في الحساب استاذ
ملك صراحة في التدريس
واحد زائد واحد تلاته
خلتني في الحساب كويس
انا وانت كونا اتنين
وفلحظة بقينا تلاته
يا جامد حاسب من العين
هتزود علي التلاتة تلاتة
واتعلمت منك يعني
هيا ثانية و ابيع حبايبي
ميهمش ذكري ولا حكاية
مين اشتري ومين خدعني
اتعلمت اني اكون خاين
وامثل دور اني بريء
وواعيش دور المجني عليه
وضحية ومجروح وغريق
اتعلمت منك يا مدرس
فن فنون التجريح
ابكي بحرقة ويغمي عليه
شيء مبدع يا ابو قلب رخيص
للشاعر :: محمد البهلوان
جميع الحقوق محفوظة للكاتب والموقع لمنع النسخ الى منتديات اخرى وانتهاك حقوق الملكية بدون الاشارة الى المصدر
او الرجوع لكاتب الكلمات ..
رد مع اقتباس
