زلمة البدويه اخوي الكله غيره
زلمة البدويه .. زلمة البدويه
وينه راعي المرجله
عالهزل مسبيه .. عالهزل مسبيه
جيته ما گلي هله
.........
زلمة البدويه اخوي الكله غيره
الگلي إنتي بصايتي بهاي المسيره
جيته ما گلي هلّه بأختي الچبيره
اخته يدريهه اميره مو اسيره
حگه لو ضيّعني .. حگه لو ضيّعني
ارسومي چانت ذابله
عالهزل مسبيه .. عالهزل مسبيه
جيته ما گلي هله
.........
هذا اخوي الچان يرجف من احشمه
وچان (خادم زينب) اُمنيته ايتسمّه
اكبر من الكون يا گبر اليضمّه
هاي اول تالي ساكت من اكلمه
يالعشت بأنفاسي .. يالعشت بأنفاسي
گوم ضعني استقبله
عالهزل مسبيه .. عالهزل مسبيه
جيته ما گلي هله
.........
جيت اگله خويه لو تدري اشجرالي
من مشيت اميسّره ايام وليالي
بچفي وبجدمي حبل والدمع هالي
وانظر لراسك على الرمح وبچالي
چنك تحاچيني .. چنك تحاچيني
والمدامع سايله
عالهزل مسبيه .. عالهزل مسبيه
جيته ما گلي هله
.........
خويه بالكوفه الزمان اشسوه بينه
واحد بنظره حقد ينظر علينه
وواحد بچفه حجر يشمر علينه
امن الحبل ما نگدر نشاگف بدينه
خويه ما رحمونه .. خويه ما رحمونه
ناس اشد من حرمله
عالهزل مسبيه .. عالهزل مسبيه
جيته ما گلي هله
.........
خويه لو صديتلي بديوان اميه
وتسمع يگلولون هاي الخارجيه
چا متت مرتين يا عين الزچيه
من تشوف ايزيد يتجاسر عليه
يطك ثغر حسينك .. يطك ثغر حسينك
ويشتم بعقد الوله
عالهزل مسبيه .. عالهزل مسبيه
جيته ما گلي هله
احمد هادي الشمري
رد مع اقتباس
