ابچي من زودة حلاتك
ابچي من زودة حلاتك
وابچي من واهس الساني
بطاري ذچرك
موبديه
ماذكرتك الا من كل ضيجه
من ضيجات خلگي
وزينه من زينات ذاتك
ليش گلي استعجلت ؟
والروح مرهونه كلبدون ابعباتك
انه بيه امن الدعه
لطولك الف ورگة عنب
وارجه گربك بالتهجـّي
وروحي تبـّاعة ذهب
بالحلم ختـّيله تلعب
بالحلم وياي چنـّك
وانته بحساب الورد
لنـّك ورد من لزمه تتعب
يلي نايم على طولك
تشتعل مثل الگلاده
خرزه ليلو او خرزه كهـرب
او خرزه ماتنحچي اوتلعب
گـّدرت طولي اعله طولك
وانته كلما اتساهلت وياي تصعب
يلـّي حسنك فوگ حسن الناس
كل الناس
شمرة عصى اوبيك اشويه ملعب
العب العب
بويه العب
يا بعد خالي تلعب
اعليك الحمزه ابو احزامين تلعب
انه تندگ روحي هلهوله اببسامير
من أشوفك ويه كل الناس تلعب
وانته گلبك ينكسر مسقوله واطيب
نشدوا الوادم عن اوصافك
گلت احسن وصف يفلان تلعب.
سولفت بفكري عنك
لاستكانات العرس والسوك والصفه
وسراكي الناس
ولا خليت
لا عطار ولا بكال
ولا بايع مسج جاعشك هاذا لو عزه ¡¡¡¡¡
كلي صبعك جوز
كبلك ناس جازت
كتله ..... جوز انته ... وجزيت انته
وغدت روحي جنازه
وروحي بين ايديك أفكهه وتنعكد
يلي حسنك
ركبة اللفته ... وبابك نوم .... عنوانك ورد
عشره باب السيف
عد عكد النصاره
لحضرة السابي الخلك سيد نهد
آنه كلش كلش اهوايه أحبك
نقطة ... بوسه
المخلص العاشك عبد
واشويه بعد
مدري انته وياي
مدري البلبريد وياي
يلعب
كون أصيرن طابع ابنهدك
وأظلن يمنه يسره
وياك ألعب
إلعب ... إلعب
مظفر النواب
رد مع اقتباس
