قسمت عمري مراحل
مراحل عمر
.......................
قسمت عمري مراحل
وصفنت بسنين عمري
شكد عشت
وشكد اعيش
المهم ماموت باجر
المهم ماموت
لكمة عوز بسنون المناجل
قسمت عمري مراحل
وكترت حصة الحصار
الاكل من وجوهنة
ملح السمار
ونوة التمرة
وجف ابوي
الضل علة متون
السواتر
راية حمرة
ودمعة امي
دمعة امي الخبطت
لواث الطحين
بحيل باجر
وقدمت للجوع
سفرة
قدمت للجوع سفرة
بصوت داخل
قسمت عمري مراحل
كضت مرحلة الحصار
اليبست معنى الخضار
وخلت البرحية عاجر
جان بيهةالجوع كافر
الجوع كافر
عينة حمرة
لابس هدوم السواتر
والسواتر قطعة
طابو معلكة ببيوت
فقرة
جان بيهة الحب
مناضل
قسمت عمري مراحل
راح وكت الخوف
ودموع اليتامة
وبدت مرحلة
العمامة
وراح نوصل
ذاك مرسى الخير
والعز راح نوصل
بسلامة
ذولة ناس الدين دمهم
ذولة صوت الوطن همهم
ذولة ناس تنفسوا معنى القداسة
ذولة ماتغريهم انواع السياسة
ذولة واحدهم امام
راسم الدنيا حمام
راح نوصل بلسلامة
وتبتسم فيروز
وتغني البلابل
قسمت عمري مراحل
ياصبح ذنبي علنهراني
الحزينة
وصلوني شراع فارغ
مدري وين
ويانهر باك السفينة
سدو حلوك النوارس
ونطبك طاري الفرح
باب علدينة
والشمس
حتى الشمش
سدت
وجهة بغيض
ماكامت تجينة
وزعلت امي
علحدايق والشوارع
والرصيف
لان ماشافت
شريف
يرفلة شارب
من ركب دجلة
النزيف
كام يطلك بلشباب
وبلمراجل
قسمت عمري مراحل
وفلشت كل المراحل
والسنين
وجلمة ال الله كريم
الضلت بصينتي تاكل
كلة مني
البشر بيدة يصير
رب للكبرياء
وبيدة يوصل للمزابل
والسكت عل ذلة عمرة
يعيش بلدنيا حرام
البشر مخلوق امام
عيش بالدنيا رسول
عيش بلدنيا حمام
تلكة سن
المنجل يبوس
السنابل
قسمت عمري مراحل
مرتضى الماجدي
رد مع اقتباس
