هههههههه اسف بس شوفيالمشاركة الأصلية كتبت بواسطة ريم
الفكرة بكتابة (الكود) .. من نكتب كود.. اما نخلليه الكود عام بحيث يرهم على اي منتدى أو اي موقع (او اي نسخة) و هذا عادة صعب .. او نكتب الكود بحيث نكتب القيم الخاصة بكذا موقع مباشرة داخل الكود (بدل ما نستعين بالمتغيرات) .. مثلا اكتب رابط درر العراق مثل ما هو بدل ما اكتب المتغير المسؤول عن ايجاد رابط الموقع باي منتدى
اني من اكتب كود .. مثلا هذا الكود الخاص بالنجوم و زيارات البحث .. ما افكر اخلليه عام لان ما مخطط لنشره .. لذلك اكتب القيم الخاصة مباشرة (يسموه hard coding)
لذلك حتى لو انطي الكود هذا لواحد .. ما راح يشتغل عنده .. و اللي عنده طاقة يعدله ..اكيد عنده طاقة يسوي مثله .. و اللي ما يعرف يكتب كود .. مثل اللي كاعد بمكان السائق بالسيارة بدون ما يتعرف تسوق.. بس ممكن يكعد بجانب السائق و يأجرله سائق يسوق السيارة .. و هذا هو اسلوب تنصيب الهاكات الجاهزة (العامة)
عموما الفكرة مال النجوم (و العديد من الافكار هنا) هي من ابداعي مباشرة (شوف الغرور خخ) .. و سويتها خاصة لدرر العراق ..لذلك هي مو جاهزة للنقل .بس طبعا يكدر اي شخص يستمتع باستخدام الموقع مثل ما هو
تحياتي
رد مع اقتباس
