ناس شوفتهم مطر
نور یتلافت عشگ لعیون مسحه
گذله یاخذهه الهوه البستان حنه
غبشه تهدي للصبح شدة فلح
يبتدي الناعور يفتر بلنهر سكان مده
الجزر و المد أثر خطوات الله
والنبوه افياي نخله
والسعف آيات خضره
والربيع امعشعش ابيازول شجره
أطفال تعلس شيصم الله
وفوك اصابيع العمر چنهم بلابیل الربه
وبل لعب لمن طفل یعثر ويطیح....
الگصبه تندب یاخضاري يحفظك الله
ابعین ابوهه الطفله تینه
ولولد عنگود امه
العمر یتمرجح ابشکوة لبن والزبده گمره
او یا حلات المده والهیاله المسیس کربهه
یاحلات المردي من ینطي البلم للصید دفعه
ومن بعدما تنسگي الگیعان کلهه
المده ترجع
اشویه والناعور یوگف
والشمس عطشانه تنزل ....
تشرب اهدوم الحبل وتغیب سکته
ونجمه نجمه الیل یصعد للسمه
ینفتح سرگي الگمر
الگصیبه اتصیر گهوه
و التراچي شموع رگبه
عالضوه ابماي المرایه تسبح ابیاحة نهر
او دمعة الملاح صدفه
طيفه سمچه ابعین شبچه
قریه المحرزي و بساتین وشبابیچ وعشگ
وناس طینتهه اعله المرایه خفیفه
ناس شوفتهم مطر
اترجع الیابس خضر
موگلب بصدورهم وصلة سمه
يمي الله يمك الله
لجن ولله بلمحرزي اتشوف الله
قاسم المعاوي
رد مع اقتباس
