هنا

[المستشار القانوني]

قصيده منبريه عن لسان ليلى ام علي الاكبر عليه السلام
:::::::::::::::::::::::::::::::::::::::::::::::::: ::::::::::::,,,من الارشيف
وليدي يبني ياعلــــي,,,يابعد روحــي وهلي
شلون بالغربه عفتني,,تجري دم يمه دمعتي
وليدي يبني ياعلي
::::::::::::::::::::::::::::::::::::::::::::::
يبني اطلبك باللبن ومروتك ,,,وسهرليلي الخدمتك
والكلب يبني ملك لــمحبتك ,,,يفرح بظل شوفــتك
يلي تشبه طه يمه بصورتك,,والملاحـــــــم حيتك
ياشبيه المطفى,,يبني يالكلك وفه
كل معاني الهادي جدك ,,,ياعلي موجوده عندك
منهو بعدك يبكه الي ,,,وليدي يبني ياعلي
:::::::::::::::::::::::::::::::::::::::::::::::::: ::::
يبني يالاكبر يعزي وهيبتي,,انتــــــه كلشي بدنيتي
يمه اتنفس هـــــواك بريتي ,,بيك تحله نظــــــرتي
انته يوليدي يروحي وضنوتي,,فخري انته وعزتي
بالشجاعه مفخره ,,,يلي جدك حيدره
تشهد الحومه حميتك ,,,من علي جدك سجيتك
راح من عندي الولي ,,وليدي يبني ياعلي
:::::::::::::::::::::::::::::::::::::::::::::::::: :::::
اني اظل اخلافـــــك بظيم وقهـــر,,,قاسي وياي الدهــــــــر
وادري اعيشن بالونين وبالسهـــر,,,الجبد يوليدي انفطــــــر
خان بينه ياعلي يبني الدهـــــــــر,,,حسين ابوك اشكد صبر
ابد ماهاب العده ,,,صعب يوليدي السده
ياعلي الاكبر يغالي ,,الصخرظل يبجي اعلحالي
بيه يشمت عاذلي ,,وليدي يبني ياعلي
:::::::::::::::::::::::::::::::::::::::::::::::::: ::::::::::::::::
ضاع يالاكبر ييمه كل امــــــــل,,,امصابك البيه اشعمل
عكب عينك كل فرح يمه انسدل,,,عيني دم منهـــه همل
انته جدك حيدره خير العمـــــل,,,ابــــــــــد بالذل ماقبل
تشهد حنين وبــــدر,,يوم صال اعل الكفر
بكربله امك غريبه ,,والكلب زايد لهيبه
ضاع مني املي ,,وليدي يبني ياعلي
:::::::::::::::::::::::::::::::::::::::::::::::::: :::::::::::::::
بقلم ابو عقيل الدغاري

[انثى مخمليةة]

كالعادة ابداع رائع وطرح يستحق المتابعة
​شكراً لك