عن لسان حال الامام علي السجاد عند دفن الاجساد الطاهره
:::::::::::::::::::::::::::::::::::::::::::::::::: :::::::::::::::::::::::::::::::::::
ياحفار لحد احسين وسع بالحفــــــــــــــر لحده
ابراضه وي الجسد بهداي والجرح النزف شده
:::::::::::::::::::::::::::::::::::::::::::::::::: :::::::::::::::::
ابوي احسين طعناته ماتنعد الــــــــــــف طعنه
حوافر خيلهه العدوان لبوي اهــــــواي رضنه
جسد وبلايه منحر شوف مثل مصابه مــاشفنه
يلحفار ماوصيك اعل هونك لمـــــــــن توسده
ياحـــــــــــــفار لحد احسين وسع بلحفر لحده
:::::::::::::::::::::::::::::::::::::::::::::::::: ::::::::::::::::
من توسد ابوي حسين لاتنسه رضيعه اوياك
وشوف السهم بلمنحر وانظر زين اله بعيناك
لان لسه دموع احسين علمنحر بعدهي اهناك
يلحفار امانه اعليك عــــــــــن احسين لتبعده
ياحفار لحـــــــــــد احسين وسع بلحفر لحده
:::::::::::::::::::::::::::::::::::::::::::::::::: :::::::::::::::
يلحفـــــــــــاراحلفنك عليك المصطفى حيدر
بصف احسين اريدنك توسدلي عــلي الاكبر
لان عن فركته والله ابوي احسين مايكــــدر
شبيه المصطفى واحسين غير الاكبر شعنده
ياحفار لحـــــــــــد احسين وسع بلحفر لحده
:::::::::::::::::::::::::::::::::::::::::::::::::: :::::::::::::
وعمي اهناك ابــــــــــو فاضل تهاوه اعل المسنايه
ابلايه نحـــــــر وجفــــــــــوف لسه حاضن الرايه
اوظل لسه اعل صدره الجود حسافه اتبده من مايه
ابعد الصفا والمروه عــــــــــــــن احسين ها بعده
ياحفار لحــــــــــــــــــد احسين وسع بلحفر لحده
:::::::::::::::::::::::::::::::::::::::::::::::::: :::::::::::::::::::::
يلحفارشوف اوياك اصحاب احسين وانصاره
اكباله تدفن الانصار تشع اعليهم انـــــــــواره
يلحفار والمهدي لبوي الياخــــــــــــــــذ بثاره
حتماً يظهر الموعــــــــــود مهما طالت المده
ياحــــــــــــفار لحد احسين وسع بلحفر لحده
:::::::::::::::::::::::::::::::::::::::::::::::::: :::::::::::::::
بقلمـــ أبو عقيل الدغاري ,,,عظم الله اجوركم
رد مع اقتباس
المشاركة الأصلية كتبت بواسطة هبة الله..
