هنا

[المستشار القانوني]

اعداء الطفوله
......... ..........
ياضمير العالم احكم بلعدل
شنهو حكم الطاغي من يذبح طفل
...................................
طفل ضامي وذنب ماعنده واسير
الطاغي هم انسان هم يحمل ضمير
هم اله بيوم الحشر واحد.نصير
شيكتب التاريخ عنه ايظل يحير
بيا صفات يوصفه...ميت بلا عاطفه
ياجواب ايصح اذا عنه انسأل
ياضمير العالم احكم بلعدل
............................
طفل عمره اشهور شاله والده
الورده تذبل والله لو شح النده
مثل وركة ياس عبد الله غده
ماسده بهل الدنيه هذا ماسده
يلفكدتو الراي..راد كطرة ماي
بس اميه اشرار ماعدهم عقل
..................................
وبمجان الماي نبلة حرمله
وبيد ابو السجاد بله اتأمله
يرفرف ومذبوح صعبه المسأله
رده للخيمه وليم العايله
زينب اخته تلكته...كلفه كلش حالته
يامصيبه المرت بهذا الشكل
.................................
دمه قربان وصعد يم السمه
يادم اطهر كلي من هاي الدمه
طير جنه الطفل يصبح عالمه
وملة الاصنام مله ظالمه
تدري جده حيدره..ومن نسل خير الورى
وبلجنان اهناك يلتم النشل
..............................
ابن سعد.الكال انفض النزاع
عمر بير الغدر معروف الطباع
اعمه كلبه وغايته بس الاطماع
صعد دم عبد.الله ماطاح اعل كاع
هلطفل ماله ذنب..احتار قانون الجذب
جان غايتهم يكطعون النسل
ياضمير العالم احكم بلعدل
.............................
بقلم ابو عقيل الدغاري

[انثى مخمليةة]

كالعادة ابداع رائع وطرح يستحق المتابعة
​شكراً لك