يحسين حبك باقي والغاية
يوم اربعينك نمشي مشايه. انعزي ابو فاضل نرفع الراية
كلنه جنود بدربه يدرينه
ويانه يمشي يزور مهدينه
نمشي وعلي الكرار يحمينه
شيعت علي ومحد يلاوينه.
يحسين حبك باقي والغاية
انعزي ابو فاضل نرفع الراية
ونواسي زينب جينه بالدمعة
ونواسي جاسم نشعل الشمعة
بكربله كل الشيعة متجمعة
يبقى العلم مايوگع انرفعة
العباس يروينه يضل ماية.
انعزي ابو فاضل نرفع الراية
نتحده كل ارهابي فجرنه
بالجنه احنه والله ناصرنه
بالگبر ندري حسين يحظرنه
بالمشي ربنه انزور يأمرنه
بدرب ابو اليمة انصير وفاية.
انعزي ابو فاضل نرفع الرايه
درب الحسين الجنه والكوثر
لا ماتعبنه من المشي ونفخر
مابينه واحد صاح ما اگدر.
كل عام صار زيارته تكثر.
يحسين اسمك اجمل حچايه.
انعزي ابو فاضل نرفع الراية
حيدر موسى الرميثي
رد مع اقتباس
