ام ابو فاضل كريمة إموصفه
انخه بالشدات هاي ام الوفه
ام ابو فاضل كريمة إموصفه
حين يكثر همك وبالك يحير
اتوجة لباب الوفة حملك يسير
هذا باب الله انعرف باب المجير
الصعب والله سهل يمها يصير
هيه اصل المرحمة والعاطفة
ام ابو فاضل كريمة إموصفه
اجبال حملت دنيتك كامت تميل
انخه كوم بدمعتك ام الكفيل
الضحت باغله العمر لعين الجليل
كلشي للعالي نطت تشعر قليل
باب للحاجة الجليلة العارفة
ام ابو فاضل كريمة إموصفة
كوم اقراة الفاتحة لام البنين
كلهه مولاتي أرتجي بأسم الحسين
مالي غيرج اندبة مالي معين
راح يفرج محنتك ربٌ حنين
بحسرة ادعي وروحك المتلهفة
ام ابو فاضل كريمة إموصفة
زوجة صرتي لعد حماي الحمه
عدها ايثار ووفه هل عالمه
مارضيتي ينادي بأسمج فاطمة
ردتي اسمج يلوفية خادمة
انتي منهم من آل المصطفى
ام ابو فاضل كريمة إموصفة
گلها جيت إبمأتمج يم الشباب
يشوفك العباس ويرد الجواب
بكل طلب يحضر الك يوم الصعاب
امي خادمها ملك مالحظة خاب
قاضيّ الحاجات ربنه شرفه
ام ابو فاضل كريمة إموصفة
علي موفق القزاز
رد مع اقتباس