هَلّي والما تفهمة النِاس يشرب وشلة دموعة
هَلّي والماتگودة أَخوان بَس الموت موضوعة
وانا مِن هَد ذاك اليّوم صدري مفرگة ضلوعة
والشيَب الترس هالراس لوعة دَرفع بلوعة

هَلي يـ البگلب تچون
چا كلكُم سوة تموتون



آخ الَمالة أَهل واحباب يَـمن يشكي بـ ﷲ الحال
من دِون الخلكَ يـ أهلي راَواني الزمان اشكال
چبيرة ومِن يجيني اليّل ضيم علىٰ الجفن ينهال
من نطَشت المَات لو تدرون گلبّي شگال

تعويد التعب تعويد
وگلوب المحنة بعيد



هَلّي حتىٰ العتب والشوكَ هَم ما گعد الميتين
هَلّي لو بَالتراب أنصاف چا ما ضمضم الطيبين
ياهَو العندة زَود عيّون اريد أبچي بَدمع جيلين
شحلاتچ لو گبر ياروح بيچ الميَت تدفنين

نگعد يَمة كُل مُدة
ومن نشتاگلة نگعدة



هَلّي يَمدللين الروح همكُم صار بيَة أنواع
لو اعَصر بيَاض العين لو أنعىٰ وتوَن الگاع
ردت احضر بـ المنازع چا هيچ اليَموت بَساع
هيَة الدنيا شَلت حال كِلمن يَم عذابة انباع

هَلّي كلمن حَدة بضيمة
والدار أَصبحت هيَمة



اداء _ مُلا حسن خريبَط
كلمات الشاعر _ اسامة الفيروز
تـدويني