حلاوة زمان
بحس بانتعاش وافتكر ايام زمان الماضي واللي كان الضحك بتاع زمان
اشوف صاحب زمان ترجع بيا السنين ويأخدني الحنين كل ذكرى ليها مكان
احس بانتعاش وحسرة واندهاش العمر فلحظة عدى كأنه راح مجاش
احس بانتعاش من راديو زمان برامج كانت جميلة مش هري والسلام
كلمتين وبس لفؤاد وساعة لقلبك يا واد وحلاوة الاوبرتات على بابا والسندباد
احس بانتعاش وحسرة واندهاش العمر فلحظة عدى كأنه راح مجاش
احس بانتعاش من تليفزيون زمان برامج ميه ميه روعة بلاش كمان
مصطفى محمود عالم عالم وفيه ايمان جولة الكاميرا طرائف هنجبها من كل مكان
احسن بانتعاش وحسرة واندهاش العمر فلحظة عدى كأنه راح مجاش
احس بانتعاش من مواليد سبعين شافوا الجمال كله وكمان مواليد تمانين
اليوم المفتوح وعالم الحيوان افلام الابيض واسود واسماعيل ياسين جنان
احسن بانتعاش وحسرة واندهاش العمر فلحظة عدى كأنه راح مجاش
احس بانتعاش من لاعيبه زمان طاهر ابو زيد حكاية والخطيب فنان
وجمال عبد الحميد اسطورة استاذ في الاجوان برجله ماشي ماشي بدماغه من كل مكان
احسن بانتعاش وحسرة واندهاش العمر فلحظة عدى كأنه راح مجاش
احس بانتعاش من شيوخ زمان الشيخ كشك مثل وعلامه في الوجدان
والشيخ حسين يعقوب والشيخ محمد حسان ومتولي الشعراوي في تفسير القرأن
الدنيا كانت رايقة واحنا كُنا على الهادي شوارعنا كانت حلوة والقلب ابيض زبادي
الدنيا كانت زمان غير الدنيا دلوقتي كل حاجة اتغيرت مصلحتك او مصلحتي
ياما انا ياما انت واحد فينا الكسبان مينفعش نكون انا وانت انا وانت نكون في رهان
احنا الاثنين اصحاب احنا الاثنين اخوات فين اخلاق زمان ولا اخلاقنا ماتت
فين اخلاق زمان فين طيبة زمان فين حلاوة زمان فين حلاوة زمان
بقلمي الحر
رد مع اقتباس
المشاركة الأصلية كتبت بواسطة محمد صبيح
