القصيدة منقوله لاول مرة
اريد رايكم
======
شمالك يالتحشم شبيك
يالواصل سمانه تراب كَبارك
واظن بيك اللسع بيّن
من جمرك حركَ نارك
انته الجنت اظنك دَيو
شبسرعه طفح بالكيل معيارك
ياذيب وجنت اوصفك حيد
شمالك من علاك الروج
هزك وانتحر بالكيش دبّارك
اشو ماظل صبر عندك
كَمت تهذي من الصخونه
البيكلو صبرك قليل وبحت
باسرارك
مو هيج العشك يكَعود
باجر اواريك العشك
من يمر جنازي يم دارك
وشوفك بالكلب جم اه
جم صدعه
يوم التاهت اخبارك
ودفنت السِّلّه بضلوعي
وشوّفت الخلك
بس طيب جمّارك
واظل مكَابل البيبان
وعيوني اتّكحل لوشفت جارك
ولم واركَص للحديثات
بلكي يعرفن اخبارك
وردة وخلّيتني بلايه سجي
ودفنت الماي ببيارك
----------
البقيه والتعديل
للشاعر الاصلي
رد مع اقتباس
المشاركة الأصلية كتبت بواسطة عـلي الناصر
