يمكن ع النهر كافلها عاثر
يوم اسود مثل صبح الفوانيس
وحرمه موزره بشيله وتناطر
اول مره توكف مثل الدلال
يمكن ع النهر كافلها عاثر
كسوف هناك يمكن من الاسهام
وكمر مطروح وادوسه الحوافر
وكع من كلشي بس واكف بالعيون
وفراغ شكبره ظل بكلبي شاغر
وانه ما عاتبت مو قلة ادموع
بس كبر الجرح خلاني اكابر
نبي تظم المغاره وماتظم صوت
وانه مكسوره اخاف اكسر خواطر
منو يم النهر منو شايف انسان
جسمه مطشر وبوعوده حاير
وصلوله الوداع من ام الخيام
من الحدبت كدما تناطر
من بعد السلام ابريني الجفوف
ابرينه اعيونه البطلت تباصر
جا طاحن الك بس انته وصيت
وحده اعله العبايه ووحده ساتر
باجر جربه امشي لديرة اسهام
لكن مايخاف الصيته عامر
انه خطوة كحل اطلع يغمضون
وامر منهم هوه ابين المكابر
همه ال بالاصل استغفر الله
من من اول مااجت عوج الخناجر
وباجر بالكبر خافن يردون
شيعة حيدر يصيرولي ساتر
حيدر محمد الشاطي
رد مع اقتباس
