مسلم نادة ابصوتة العالي
گام ايصول ابسيفة وزودة
گام إيصول ابسيفة وزودة
!!!!!!!!!!!!!!!!!!!!!!!!!!!!!!!!!!!!
ضنهم خايف حابس روحة
طب ايقاتل راسم لوحة
شي متوذرة وشي مذبوحة
ياهو اليشرد سيفة ايلوحة
دنية وصارت عدهم سودة
گام إيصول ابسيفة وزودة
!!!!!!!!!!!!!!!!!!!!!!!!!!!!!!!!!!!!
مسلم نادة ابصوتة العالي
مات الفكر يتعنالي
الگاع اهتزت من اخيالي
العزم انطاني حسين الغالي
صاح الباطل امحي اجنودة
گام ايصول ابسيفة وزودة
!!!!!!!!!!!!!!!!!!!!!!!!!!!!!!!!!!!
حيدر چنة وحامل عزمة
ابن الاشعث يابس دمة
شافة ايحارب يرجف يمة
صاح بحرگة وين الزلمة؟
يبرز بيكم يلوي ازنودة
گام ايصول ابسيفة وزودة
!!!!!!!!!!!!!!!!!!!!!!!!!!!!!!!!!!!!
عطشان وذبلانة اشفافة
ظل إيقاتل. ياهو الشافة
داخ اتكتر گام ايخافة
چن عباس وهيچ اوصافة
الحومة بچفة وچن معگودة
گام إيصول ابسيفة وزودة
!!!!!!!!!!!!!!!!!!!!!!!!!!!!!!!!!!!!!!!!
ابن ازياد احتار ابأمرة
مسلم رجّف گلبة بنظرة
طب الهيبة وذلة بقصرة
وجوه القادة اتحولت صفرة
الهول وبيهم خله اقيودة
گام إيصول ابسيفة وزودة
!!!!!!!!!!!!!!!!!!!!!!!!!!!!!!!!!!!!!!
مسلم واجه طاغي ازمانة
اسمة الفاحش بن مرجانة
بنهج الثورة ادروس انطانة
منخاف الظالم خلانة
ضحة بدمة او وفة اوعودة
گام ايصول بسيفة وزودة
حسين الباوي
رد مع اقتباس
