كون النعاوي توگف الخيل
منين ماباوع مچاتيل
مگتول وين الشمع والهيل
شمضيعه تركض فوگهم حيل
كون النعاوي توگف الخيل
ياهو الينزل الروس يمي
مشتاگه يمهم اشكي همي
حرگت خيم محروگ دمي
مريت شو ماگالو أسمي !
ولا گامو اول مرة هاية
ولا نكتو اتراب العباية !
شتگلّه الوداع لبلا احجاية
ولا شيلت ايد من الضحاية
چا هي تنضم غير عازة
بية عليهم بچي جنازة
الشمر عالنحر يتوازة
بيا بخت هيج انتجازة
يكبرون جانت عندي غاية
ولد أخوتي الجانو امراية
شبان مو مالت مناية
بوجوههم ماكو لحاية !
فاضل حسن
رد مع اقتباس
