بطيحتك يا باالفضل كلشي انكسر
من السمه الاولى لحد السابعه
الوني يبجي كل ملك من يسمعه
يابو فاضل انه اريدك
ارد اشمك من وريدك
يابو فاضل لاتضل عالمشرعه
يابو فاضل ماترد جنك بطيت
طحت وانه اعله النهر اركض اجيت
انه اعرفك جاي تسمع من حجيت
ليش ماحركت روحك من بجيت
يابو فاضل يلا كوم
بنومتك ناوي تدوم
يابو فاضل لاتضل عالمشرعه
بطيحتك عالكاع ماضلت خيام
واجن فد جيه على حسين السهام
احتاج وكفاتك تره حسين الإمام
وانت جاوبته اخي مني السلام
صعد بخيمنه العويل
بعد ماعدنه كفيل
يابو فاضل لاتضل عالمشرعه
انه يا عباس جنت امشي بضواك
العبرة تخنكني واجي اشتم هواك
جنك كبالي سمه من امشي وراك
خبر حالي من طحت كلي اجاك؟؟؟
يابو فاضل راح اموت
مو حلو عليك السكوت
يابو فاضلاتضل عالمشرعه
بطيحتك يا باالفضل كلشي انكسر
طاحت اخيمنه وضهر يسند ضهر
حسين شيّب من طحت كلش كبر
يروحلك فدوه كفيلي كل نهر
براسك شسوه العمود
ليش من دونك اعود
يابو فاضل لاتضل عالمشرعه
بالسبي تعثر سكينه والرباب
وكمنه مانعرف رقيه من التراب
بس وحكك ما وصل جف للحجاب
المصاب المر علينه اكبر مصاب
انصيحلك وينك تعال
ماصرت ام الدلال
يابو فاضل لاتضل عالمشرعه
الرايه ماشفناها لاحت للهوه
من طحت بالطف طفه كل الضوه
انت مو كتلي عمر نبقه سوه
شو عفتني وانت لجروحي دوه
ومن مشيت بلا وداع
غربه عشنه وبضياع
يابو فاضل لاتضل عالمشرعه
حيدر الركابي
رد مع اقتباس
