عباس رافع عالخيم راية علي وماذلها
حيدر خطب ام البنين وگلهة
الزينب اريدن ينولد كافلهة
ابوحشت الطف انريده يوگف ظلهة
وخلفت زلم
منهة ونعم
بالطف حضر
اجمل اسم
عباس رافع عالخيم
راية علي وماذلها
ابگاعة حيدر ثاني زهره اشتلهة
ام البنين وصار حيدر خلهة
مو هوّ حته الناس هم متملهة
الينوي السفر
يدعي ابفخر
تنحل گبل
ميظل خطر
تنحل الصعبه وتنجلي
بسم العفيفه انحلهة
تدري الحسن وحسين يكبر همهم
غيرت اسمهة چي نفس اسم امهم
گد ماحنينة اتخاف لايلچمهم
طيبت كلب
عدهة صعب
تجرح بشر
تكسر گلب
لوتبجي دمعه اعله الارض
يطلع ورد شايلهة
ابيت حيدر نار بي يومية
امعزبة وعجيدة وبالكرم بدوية
الخطار تشبع بس عل العزوبية
بعد الفجر
زاد الظهر
وصبت عشه
من العصر
وتطي سهمهة للحسن
الطيور هم وكلها
بِشر لمن وصل الهة حچاية
حسين رايح والحرم سباية
منهة وانعرفت كلمة الملاية
لمن تون
من الحزن
حته الحجر
گلبة يحن
وشبيچ لمن تنسئل
بية الحسين اتگلهة
فگد الاعزاز البطف الاذاهة
تنعه واليحكم ماگدر يدناهة
وموموت ربك اعتقد سماهة
ناح الشجر
كبل البشر
من ماتت
الماي انجر
والتمت نوارس عالجرف
صورة عطش رسمتهة
سيف الدين المهنا
رد مع اقتباس
