احنه ويانه علي السيستاني
خدمتك نحية ونموت عليها
ساعة ساعة سيدي نتانيها
الخدَم باچر امك تجازيها
هالشعائر هاي ما ننطيها
شكثر رادو سيدي يمنعونه
چم يزيد علينه حد سنونه
خادمك مولاي ينطي عيونه
شلون ننسه السلبوها ضعونه
سنين مرت واحنه ما ذلينه
وين صدام العفالق وينه
باچر الموعود يهجم بينه
ويالمراجع كَله منتظرينه
ما يهزنه سيدي أي حاقد
جنود والمهدي علينه القائد
يَعَرفونه كلش من انعاند
ما نطخ الراس لأكبر واحد
على الدنيا بخدمتك نتباها
الحمد لله أنـه بس انطاها
زينب اختك والله ما ننساها
احنه باچر بالحشر بحماها
للعزة كلمن يشد حزامة
نبقه الك طول العمر لطامة
خلها تشبع من دمانه القامة
سيدي ألمن ضامين الهامة
شكثر رادو نكَطع المشاية
سيدي ميتين من الراية
وحكَ جود الما وصلكم ماية
ألك نبقه على العهد وفاية
الحشد دكَهم سيدي شمتاني
بيوتهم فتحوهـا للأفغانــي
همه شالو راية السفياني
واحنه ويانه علي السيستاني
حيدر حسين الكرعاوي
رد مع اقتباس
