صباح الخير درر
في احدى المرات اتصل علية أحد الاصدقاء يسألني اذا اريد بطة هو صايدها.. طبعا وافقت واخذتها منه. كانت بحجم الطلي والوالدة ما قصرت بتنظيفها..
ولان ماكو عدنة اي احد بالبيت ياكل البط اتصلت على صديق اخر وسألته اذا يريد البطة.. سألني مجانا؟ گتله نعم مجانا فقط اعزمني على قهوة. فعلا اخذها وهو سعيد
ثاني يوم كنت انتظره بمكان بي قهوة. من دخل سلّم علية انا رأسا جاوبته ( يا بطة؟)
جاوبني: بالاول رد السلام...والله اتذكر العزيمة تعال اشربك قهوة.
راد يصير كريم عزمني هم على قطعة كيك.. لمن راد يحاسب طلع حسابه تقريبا 15 دولار! حسيته يريد ينجلط ( ما متعود يدفع هيج مبلغ)
اكلت الكيك وشربت القهوة وانا اشعر بالرضا والفرح لان خسرته لاول مرة بالتاريخ
بعدها بيوم هم التقينا وسألته عن البطة..گال اي بعدهي ما خلصت. گتله معناتها الليلة تعزمني على فلافل.
بسبب الاحراج وافق...وراها بيوم على شاورما ومن ثم كباب وهكذا اخذتلي فترة يومية اجبره يعزمني.
بعد شهر هم اشتهيت عزيمة.. خابرته وسألته شلونها البطة؟ گال اكلناها وهظمناها ومابقى منها ولا عظم... والله بسببك بعد ما اكل البط ولا الدجاج ولا لحم اي طير.. والله ياخذني قبل لا افكر اخذ شي منك
ليش صار عصبي؟ ما عجبته البطة؟
وهسة عندي اربع بطات منو يريدهم؟
طبعا ببلاش.. فقط كوب قهوة على كل بطة
ملاحظة: سألت ضياء المالكي لكن رفض ياخذهم...يمكن ما يحب البط
رد مع اقتباس
المشاركة الأصلية كتبت بواسطة بَشير
